|
|
|
|
 | Sobre Asturshop |
|
Asturshop ye una tienda electrónica qu'ofrez productos asturianos rellacionaos
con Asturies.
Atendiendo a los útimos avances tecnolóxicos, Asturshop llega a
Internet como la primer tienda virtual asturiana y una de les
primeres del Estáu español.
|
| | Indiz | |
| Visitar y buscar |
|
Asturshop puede visitase tolos díes del añu, les 24 hores del día.
Esa ye la mayor ventaya que-y ufiertamos, tien a la so disposición
un catálogu de productos asturianos y nun tien siquiera que
treslladase o tar n'Asturies pa mercalos, cenciellamente
conectándose a la rede, puede amestar al carru de la compra tolos
productos que-y pete.
Puede visitar y mercar n'Asturshop, anque nun seya un veceru
rexistráu, amás en cualquier momentu puede rexistrase y disfrutar
de los beneficios de tener esta condición.
Tien siempre disponible una busca rápida. Introduza dalguna
pallabra clave que faiga referencia al productu que quier y calque'l
botón "Buscar", si quier facer una busca más esbillada, habrá
escoyer la opción "Buscar" de la barra de botones, pa especificar
criterios de busca selectiva y nel casu de nun alcontrar el productu
deseáu, unvienos un mensaxe de corréu electrónicu y
comunicarémonos con usté a la mayor brevedá posible pa
informa-y sobre'l productu buscáu.
|
| | Indiz | |
| Veceros |
|
Asturshop acepta dos modalidaes de veceru: el veceru rexistráu y
l'esporádicu. El rexistru nun supón nengún compromisu pela so
parte (namás recordar una clave), a cambiu podrá controlar l'estáu
de tolos pidíos fechos, caltener carros entre compres y otres
facilidaes.
En rexistrándose como veceru d'Asturshop, cada vegada qu'entre
na tienda tendrá que s'identificar como talu pa disfrutar de toles sos
ventayes; pa ello podrá utilizar el botón "Veceros" en cualquier
momentu.
|
| | Indiz | |
| Condiciones de compra |
|
Pa visitar y mercar n'Asturshop, nun tien falta de ser un veceru
rexistráu. Usté puede entrar na tienda como un veceru esporádicu
y facer compres de la mesma forma que si fora un veceru
rexistráu, pero en marchando de la tienda nun podrá consultar
l'estáu del so pidíu y pa futures compres habrá volver introducir
los datos d'unviu.
Cuando merca n'Asturshop, el veceru ta protexíu poles lleis de la
venta a distancia, tien derechu a la confidencialidá de los sos
datos y podrá facer devoluciones con un plazu de 9 díes.
|
| | Indiz | |
| Unvios y gastos d'unviu |
|
Los productos qu'usté merque n'Asturshop, entregaránse-y nel
domiciliu d'unviu qu'especifique na orde de compra. Los unvios
fadránse lo primero posible. Dependiendo de la disponibilidá del
productu la salida dende'l nuesu almacén sedrá
ente 1 y 6 díes. Al preciu del productu/os
amestaráse-y el preciu de los gastos d'unviu.
Calque
equí
pa ver la tabla n'usu.
Al facer la so compra nun-y caiga embaxo que si compra d'una
sola vegada dellos productos aforrará nos gastos d'unviu.
|
| | Indiz | |
| Atención al veceru |
|
Asturshop tien la garantía d'Asturia Activa, una empresa
comprometida cola emprestación d'un serviciu d'atención al veceru
d'alta calidá. Nun dulde en comunicase con nós para resolve-y
cualquier dulda sobre los nuesos productos.
Pa comunicase con nós, unvie un mensaxe de corréu electrónicu a
la dirección del Serviciu d'Atención al Veceru.
Atenderemos con abondu placer les sos inquietúes, y piense qu'al
comunicase con nós tará collaborando pa que-yos brindemos a
tolos nuesos veceros un meyor serviciu.
|
| | Indiz | |
| Seguranza |
|
Nel momentu de facer el pagu, emplegará un servidor seguru nel
que fadrá les tresacciones electróniques ensin nengún perxuiciu
de seguranza. Tamién, la nuesa base de datos alcuéntrase
rexistrada na Axencia de Protección de Datos, d'esta forma la so
privacidá queda garantizada.
Namás s'aceptarán los pagos que se faigan con tarxeta de créditu;
poro, pensando na so comodidá, aceptamos les tarxetes más
populares y tamién aquelles creaes pa facer compres n'Internet.
Cada vegada que faiga'l pagu d'una compra, accederá a un servidor
seguru de la entidá bancaria Banesto, que se encargará de
xestionar la tresacción electrónica con toles garantíes de
seguranza y confidencialidá de los sos datos.
|
| | Indiz | |
|
|
|
Principal | Buscar | Carru | Mercar | Veceros | Suxerencies
|
|
|
