 Cuentiquinos (Antoloxía) Autor: Antonio García Oliveros
"AGO"
Midíes: 14 x 23 cm
09. Cuentiquinos (Antoloxía)
Descripción llarga: 160 p. N´asturianu. Añu: 2003 (ed. 1ª). Encuadernación
de tapes dures. Nº 9 de la Colección Maestros del Humor.
El día 2 de mayu, Día del Llibru Asturianu de 2003, sal a la
venta´l númberu 8 de la colección Maestros del Humor,
Cuentiquinos (Antoloxía) d´Antonio García Oliveros
"AGO" (Navia 1900-Uviéu 1985), autor al que´l Gobiernu
asturianu-y dedica la XXIV Selmana de les Lletres Asturianes.
La lliteratura asturiana debe a esti médicu humanista abondo más
que los estupendos poemes festivos qu´escribió, y de los que s´ofrez
nesti llibru una selección fecha con devoción de discípulu
por Rubén Sánchez Vicente.
Naz AGO en Navia nel añu 1900. Estudia medicina, especializándose
en Pediatría. Dende bien rapaz siéntese atraíu pola
cultura tradicional asturiana y por toa clase de llibros y publicaciones que
tuvieren Asturies y lo asturiano por tema; a lo llargo de la so vida
llegó a xuntar la biblioteca de llibros y manuscritos asturianos
más importante d’esti sieglu. La colección fue donada a la
so muerte a la Biblioteca d’Asturies y convirtióse dende
entós nuna fonte inescosable de sorpreses pa los investigadores
bibliográficos y lliterarios. Atraíu tamién pola
poesía humorística en llingua asturiana del sieglu XIX, compunxo
sinfinidá de versos asonsañando l’estilu xocosu de Teodoro
Cuesta y otros autores. El so primer llibru: Cuentiquinos del escañu,
apaecíu en 1945, gozó d’una amplia popularidá. En
1953 publica Melecina casera (cuentos médicos en dialecto asturiano. El
so últimu llibru de versos vio la lluz en 1978 col títulu:
Más cuentiquinos del escañu. Ye autor tamién d’un
Diccionario bable de la rima impresu en 1947 que, como señala
Antón García (1994) “fue l’instrumentu principal de los
nuevos poetes asturianos”. Fexo tamién dellos estudios
d’investigación sobre variaos temes asturianos como la obra de
Teodoro Cuesta o la hestoria de la imprenta n’Uviéu. Morrió
n’Uviéu en 1985.
De la Colección Maestros del Humor,
cuidada edición en tapes dures y con abonda información nos
prólogos, sobre estos 13 títulos imprescindibles del
xéneru humorísticu n´Asturies, asina como de los autores:
Delestal, Fabricio, Anxelu, Oliveros, Burgos, Torniello, Cuesta... y otros
más modernos: Adolfo Camilo, Pin de la Cotolla... Les principales obres
maestres del humor n´asturianu y de toles dómines, mesmo
clásiques como actuales, de los autores asturianos más
aplaudíos pol humor reflexáu nos sos testos, tan llográu
como típicamente asturianu.
Pa consultar la información sobre la colección completa de
"Maestros del Humor",calque
equí.
Preciu: 7,50 euros (1.248 pta)
Referencia del proveedor: ISBN-84-8053-240-8
Códigu de productu: 2215
|
