Dixebra preséntennos el so nuevu CD. En Glaya un País cuenten cola collaboración de nomes como Fermín Muguruza (ex-Negu Gorriak) ya incluyen aspectos más novedosos como la introducción de tonada cola voz d´una de les nueves promeses de la canción asturiana Anabel Santiago.

Pero en Glaya un país tamién vas atopar a los Dixebra de siempre, coles sos influyencies, rock, ska, reggae, siacasu con un soníu más contundente ya endurecíu, como´l que yá apuntaben nel so anterior CD. Sicasí esti nuevu trabayu aguarden sorpreses prestoses como averamientos a la música dance. No que toca a les lletres la presencia xorreciente de Xandru Fernández vese reforzada cola participación nun tema de Pablo Antón Marín Estrada.

Puedes mercar yá esti CD n´esclusiva n´ASTURSHOP y unviarásete´l 14 d´abril. Tamién puedes oyer nesta páxina Baila la crisis, ún de los temes del discu.