 Los paraísos perdíos Autor: Pablo Rodríguez Medina
Midíes: 13 x 20 cm
140 páxines, n´asturianu. 9 relatos onde, xunto a los cuentos que reflexen con maestría la muerte d´un ciclu históricu, sobresalen aquellos de calter iniciáticu y urbanu
Descripción llarga: Una estraordinaria capacidá de fabulación, la facilidá cola que ye a recrear
histories y un estilu narrativu rápidu y sueltu, qu´avanza envolviendo y
atrapando al llector, son dalgunos de los rasgos colos que, con esti llibru,
s´estrena como narrador Pablo Rodríguez Medina (L´Entregu, 1978).
Diérase a conocer como poeta col llibru Nel dialeutu del
grisú (Trabe, 1999) y, a pesar de la so mocedá,
preséntase yá avaláu con dellos importantes premios, que
respalden un quefacer lliterariu sobresaliente. Los nueve cuentos que formen
Los paraísos perdíos tán escritos a lo
llargo de los últimos tres años y polo tanto, dalgunos, cuando
l´autor tenía diecinueve años. Nellos amiéstase´l regustu
antiguu d´esa Asturies rural yá prácticamente perdida col sabor
amargu de l´Asturies de güei, postindustrial y en crisis permanente. Pero
xunto a los cuentos que reflexen con maestría la muerte d´un ciclu
históricu, sobresalen aquellos de calter iniciáticu y urbanu, que
tienen como protagonista una mocedá qu´entama la vida, que tien que
deprender les normes que rixen la sociedá anque nun seya namás
que pa saltales.
Preciu: 7,81 euros (1.299 pta)
Referencia del proveedor: ISBN 84-8053-145-2
Códigu de productu: 0678
|
