Les cuentes de l’alma Autor: Xandru Fernández
Midíes: 13 x 20 cm
180 páxines, n´asturianu. Nos doce relatos que formen Les
cuentes de l´alma hai una intelixente y desesperanzada reflexón sobre´l
pasáu. Descripción llarga: La mirada qu´echa al mundu
Xandru Fernández na so obra narrativa, como si sasomara a
un pozu fondu y escuru qu´apruz en mediu de Poladura, adiéntrase nesti
llibru na parte entá más tenebrosa de la vida, la llinia
cásique imperceptible que separa la llocura del xacíu, lo real de
lo imaxinario, banciando d´un llau a otru d´esa raya nun diálogu
imposible ente la vida y la muerte que la narración minuciosa, realista
y oxetiva del autor fai totalmente creyible. Nos doce relatos que formen Les
cuentes de l´alma hai una intelixente y desesperanzada reflexón sobre´l
pasáu (personal les más de les veces, pero tamién
históricu, como nel cuentu que pon en relación al Rei Ramiru col
Padre Galo pentemedies d´un ánxel). L´acabación de les
espectatives vitales, la perda de tou referente, empobinen a los personaxes a
la derrota, al suicidiu o al asesinatu: paez que nun hubiera salida del pozu.
Xandru Fernández (Turón, 1970), un nome esencial na
lliteratura asturiana, publicó en 1995 la primer recopilación de
cuentos (Del llaberintu al trenta) y en 1998 l´últimu llibru de poemes
(Lletra muerto). Ganó´l Premiu Xosefa de Xovellanos de novela en
1994 y en 1999. Nesta mesma colección ta acabante publicar una brillante
traducción de La tresformación, de Franz
Kafka.
Preciu: 9,62 euros (1.601 pta) Referencia del proveedor: ISBN 84-8053-143-6 Códigu de productu: 0679
|