 Inda ya ceu Autor: NŽarba
11 canciones que vienen de la tradición y de composiciones propies.
Bases rítmiques de baxu y batería, melodíes con
instrumentos acústicos comoŽl vigulín, guitarra, xiblates y
gaites.
Descripción llarga: LŽestilu de NŽARBA caracterízase por amestar pieces
tradicionales, composiciones nueves y el trabayu de campu (al queŽl repertoriu
vocal del grupu debe abondo). Nesti segundu discu, Inda ya ceu, ufren
once canciones que vienen de la tradición o de composiciones propies
basaes nos sos ritmos, con títulos como: "Esti pandeiru",
"Danza Salcéu", "El cura ta malu",
"Saltón de Riegu" o "Maruxina". Sobre una base
rítmica de baxu y batería constrúin les sos
melodíes con instrumentos acústicos comoŽl vigulín,
guitarra, xiblates y gaites.
El grupu fórmase en 1996, con músicos de varios conceyos del
centro-occidente dŽAsturies. Dellos vienen del mundu del folklore, otros de la
música folk y mesmo del rock, amestando instrumentos acústicos y
eléctricos. DŽehíŽl nome NŽARBA, espresión
emplegada en delles partes dŽAsturies pa dicir que dalgo ta nel cantu: nin pa
un llau, nin paŽl otru.
El primer discu de la banda asoléyase en 1998 y ye compartíu con
Folkgando, dientro de la colección Nuevu Folk Asturianu.
Volume II (Discos LŽAguañaz). Esi mesmu añu ganen el
primer premiu nel concursu FM98 nel apartáu de folk. LŽacetación
dŽesta primer grabación fexo que se dieren a conocer per toa Asturies y
tamién fuera. Una de les sos canciones fo escoyida pal pretíxosu
recopilatoriu Naciones Celtas III (Fonomusic) y llevólos
hasta Madrid pa la so presentación. En 2000 foren seleccionaos pa
representar a Asturies nel conocíu Festival Intercélticu de
Lorient (Bretaña), algamando una acetación que quedó
reflexada na prensa asturiano.
Estos seis músicos son una de les grandes esperances de la música
asturiana, y esti segundu discu (primeru en solitario) confirma dafechu les
descomanaes espectatives que despertara la banda ente públicu y
crítica.
Canciones incluíes en INDA YA CEU:
1. Saltón de Riegu - 3Ž47"
2. El cura ta malu - 3Ž54"
3. Danza Salcéu - 4Ž01"
4. Maruxina - 5Ž08"
5. De Grau a Concarneau - 3Ž47"
6. Vals de Llagu - 3Ž22"
7. Xácaras - 4Ž22"
8. Peruyes - 5Ž10"
9. Esti pandeiru - 5Ž05"
10. Inda ya ceu - 5Ž35"
11. Yalgueiros - 4Ž30"
Preciu: 15,03 euros (2.501 pta)
Amuesa d'audio  (167,2 Kb.)
Referencia del proveedor: NŽarba2
Códigu de productu: 0748
|
