Salea Autor: Avante Cuideiru
Tercer CD de la Banda de Gaites Avante Cuideiru, con un total de 12
temes. Destaca´l trabayu d´estudiu y la producción del discu, amestando
estilos y melodíes pervariaes y actuales. Descripción llarga: Avante Cuideiru figura meritoriamente como ún de los grupos de
Gaites más significativos y relevantes dAsturies. El so perfeccionismu instrumental, la so sonoridá
interpretativa, la elegancia de los sos paxeyos, la mocedá de los sos
componentes y el so repertoriu musical asturianu, faen dAvante
Cuideiru una Banda de Gaites singular, sosprendiendo pola so
personalidá anovadora onde destaquen los raigaños culturales
dAsturies.
El grupu, formáu en Cuideiru nel 1985, creóse sobre la base
dun grupu de baille, al abellugu de lAsociación cultural y
folklórica del mesmo nome, y quaxunta un grupu de Gaites,
amás de los de Baille, curdión, percusión tradicional,
guitarra, tambor y llinguaxe musical, formen la Escuela de Música
Tradicional de lAsociación.
Son abondes les actividaes feches pola Asociación : Festival
Internacional de Folklore "Música y Danza Tradicional en
Cuideiru", "Mareaxis en Cuideiru", Esposiciones de
Fotografía, Alcuentros de Mases Corales "La Mina y la Mar",
recuperación de fiestes tradicionales pixuetes dafechamente
escaecíes como "Las Maravillas" na nueche de San Xuan, Portal
de Belén marineru y Cabalgata de Reis, Concursu de Dibuxu y Pintura
Infantil, Concursu de Composición pa Instrumentos Tradicionales
Asturianos (único nAsturies), Conciertos de la Escuela de
Música, Xornaes sobre Percusión Tradicional Asturiana, Bautizu
Pixuetu, Edición de la revista Avante Cuideiru, etc.
La Banda de Gaites Avante Cuideiru tien actuao cuásique dafecho
per tolos llugares del Principáu dAsturies, anque non namás
na rexón asturiana. Representó a Asturies nestremaes
Comunidaes Autónomes, como Andalucía, Baleares,
Castiella-Lleón, Galicia, Valencia, Madrid, programes de TVE, Selmana
dAsturies nIbiza, acoyida de S.A.R. el Príncipe
dAsturies mentando la entrega de Premios al Pueblu Exemplar
dAsturies, en Soutu Lluiña, Nuviana y Castropol, foi la
única banda de Gaites de la nuesa rexón quacoyó a la
So Santidá, El Papa Xuan Pablo II na so visita a Asturies,
etc.
Representó a Asturies nos Festivales Internacionales que vienen
darréu : Nazaré (Portugal, 1992), Intercélticu de Lorient
(Bretaña-Francia, 1993), Nantes (Bretaña-Francia, 1994),
Salzburgo (Austria, 1994), Venecia (Italia, 1994), Châteauneuf du Faou
(Francia, 1995), Guingamp (Bretaña-Francia, 1995), Montréjeau
(Francia, 1996), Pirineos-Oloron Sainte Marie (Francia, 1998), Kaustinen
(Finlandia, 1999), Montguyon (Francia, 2000), Murat(Francia, 2000). Nel mes de
marzu de 1994, graból so primer discu, con un total de 12 temes
musicales asturianos y en 1997 graba un segundu CD, patrocináu pola
Fundación Selgas-Fagalde onde enxerta temes tradicionales asturianos, y
adaptaciones de música clásica y moderna.
Nel mes de mayu de 1999, grabó´l so primer Video: Cuideiru,
música e imágenes, patrocináu pol Programa Europeu
Leader II del Valle Ese-Entrecabos; nel 2000, graból so tercer
discu, con un total de 11 temes musicales patrocináu pol Programa
Europeu Leader II del Valle Ese-Entrecabos.
Han sulliñase especialmente los premios algamaos, entre los que
destaquen : Premiu a les Artes y Tradiciones Populares, en Châteauneuf du
Fou, Diploma de lAmistá y la so música ye declarada
Música del festival de Montréjeau, "Urogallo de
Bronce", Vagoneta de Plata, etc.
De magar 15 años ininterrumpíos de llabor infatigable, el
prestixu de la Banda de Gaites ye más quevidente, mesmo
nAsturies que fuera della, lo que gratifica lesfuerzu de
profesores, alumnos y socios, afalando a toos a siguir na xera.
Ensin llugar a duldes al futuru apurrirá grandes esperiencies y
ésitos, amás de permanentes metes a llograr, daqué de lo
que los componentes y el so director, son claramente conscientes y yá
tán avezaos amosando que, xuníos per una sola idea común,
la música tradicional dAsturies, nun hai metes insuperables pal
colectivu, que se pon como obxetivu fundamental viaxar a cualisquier parte del
mundu onde la música dAsturies tenga que sonar.
Temes del discu:
Danza Queimada 4´50
Valseo 3´17
Sueños Diabólicos 3´18
El Porru Bolu - Eire 5´08
Nel Miraor 3´58
Tormaleo - Alegría 3´35
Asturias 4´12
Mallemuei 4´12
Nos Mares del Sur 4´21
Muñeira de Mántaras 3´29
Sol de Poniente 4´06
Salsa 3´20
Preciu: 15,03 euros (2.501 pta) Amuesa d'audio (145,6 Kb.) Referencia del proveedor: FACD87105 Códigu de productu: 0801
|