El corazón delator Autor: Alfonso S. Suarez
Midíes: 12 x 20 cm
Película curtia del director asturianu Alfonso S. Suarez y col
míticu Paul Naschy de protagonista, que s´esplaya dafechu con
biecos inquietantes, gracies a un guión inspiráu nel cuentu
d´Edgar Allan Poe. Descripción llarga: Repartu: Paul Naschy, Eladio Sanchez
Director: Alfonso S. Suarez
Productor: Alfonso S. Suarez
Guión: Alfonso S. Suarez (inspiráu nel cuentu clásicu
d´Edgar Allan Poe)
Fotografía: Gregorio Torre
Música: Juan Carlos Casimiro
Duración: 10 min.
Película curtia en blanco y negro, con versiones n´inglés y
castellanu y disponible nos formatos de video NTSC y PAL.
Sinopsis: Una nueche llega un home (el personaxe de Paul Naschy) a la
mansión del so hermanu mayor (Eladio Sanchez). Esti home, descubrimos,
ta acabante de salir d´una institución mental. N´apariencia, ta bien
pero mentes va pasando la nueche, vemos que nun ta curáu y que de fechu
fuxera de la institución mental col envís de vengase, porque
namás quier "descansar".
Esti curtiumetraxe d´Alfonso S. Suárez presenta otru papel
afechiscu pa Paul Naschy, que s´esplaya y esfruta dafechu cola so
actuación estrada de miraes siniestres, sorrises asonsañones,
elocuciones iróniques y güeyos rellumantes de la llocura malpenes
disimulada d´una mente disviada. Trátase ensin dulda d´un papel perfectu
pa Naschy, que nos últimos años de la so carrera vien
desenvolviéndose más tovía como actor, perfeccionando los
biecos y demás xestos faciales, cola efectividá d´un maxistral
interprete wagnerianu y cola meyor maña dramática. La hestoria,
encuádrala bien Suarez, centrándose acertadamente en Naschy al
empar qu´encaxa´l relatu con toques ambientales y dellos efectos bien modernos
de dirección. De resultes, preséntase una película
qu´asemeya, nel sentíu más favorable, un miniepisodiu de "El
Resplandor". La sorprendentemente bona banda sonora de Juan Carlos
Casimiro aporta tamién enforma al impactu de la cinta. La
única pega, por dicilo de dalguna manera, que tien la película ye
que dexa al espectador engostáu, con ganes de ver una versión de
llarga duración con Paul Naschy de protagonista. Dizque ye asina
de bon interprete, y que ye bona pena que´l so talentu, maurecíu
dafechu, nun se vea más davezu nesta mena de papeles.
Preciu según versiones Códigu de productu: 0806 Versión en castellano, VHS / NTSC (USA) | Referencia del proveedor: DL454-01-cas-NTSC Preciu: 11,42 euros (1.900 pta)
|
|
Versión en castellano, VHS / PAL (Europa) | Referencia del proveedor: DL454-01-cas-PAL Preciu: 11,42 euros (1.900 pta)
|
|
Versión n´inglés, VHS / NTSC (USA) | Referencia del proveedor: DL454-01-eng-NTSC Preciu: 11,42 euros (1.900 pta)
|
|
Versión n´inglés, VHS / PAL (Europa) | Referencia del proveedor: DL454-01-eng-PAL Preciu: 11,42 euros (1.900 pta)
|
|
|