Xunta Moza (sección xuvenil de la Xunta pola Defensa de la Llingua) en collaboración cola discográfica L´Aguañaz asoleya esti discu recopilatoriu onde participen 32 grupos asturianos, 16 en cada CD, de los más diversos estilos y tendencies nes dos vertientes de música folk y rock.. Un discu doble, onde ún d´ellos el discu AZUL ta dedicáu a la tonada y grupos de música folk y l´otru, el discu MARIELLU, a grupos de pop, rock, música llectrónica, etc.
Aparte de lo púramente musical, inclúyense elementos interactivos como semeyes de los grupos, lletres de los cantares y vídeo de les grabaciones. Nun de los discos ensiértase un documental con vídeos y semeyes sobre les campañes de Xunta Moza y imáxenes en vídeu de manifestaciones históriques pal movimientu de reivindicación llingüística. Munches d´estes imáxenes, del archivu de la propia Xunta, tuvieron inédites hasta agora. Nel segundu discu va poder vese información de los artistes participantes nel discu, como semeyes, biografíes y les lletres de los cantares.
La mayor parte de los temes son versiones yá grabaes, pero hai tamién regrabaciones de temes antiguos, asina como temes inéditos de dellos grupos y el debú de dalgún otru. Los beneficios económicos que se saquen d´esti discu van dir pa sufragar la llucha pola oficialidá de la llingua asturiana.

Cantares de los 2 CDs (Azul y Mariellu):