Depués d’un llargu branu de grabación, La Bandina asoleya por fin el so discu de presentación ¡Pa Bail.lar!. El grupu, formáu por Santi Caleya (gaites, saxo, xiblates), Merce Santos (zanfoña), Octavio Trapiella (cordiones diatónicos) y David Varela (tambor, bodhran y bombu), algama nesti trabayu un soníu tradicional con identidá propia. El discu compónse sobremanera de canciones populares asturianes trataes de manera que caltienen la esencia tradicional, con igües cencielles pero interesantes. Destaca la variedá de ritmos: dances, muñeres, polques, valsiaos…, y una gran bayura de xotes, iguaes con mui bon xeitu. Ye un discu que, como´l mesmu títulu fai ver, llama al baille y a descubrir que la música tradicional tamién puede tocase con un estilu fiel, pero atractivu y modernu.

Cantares del discu:

1. - Danza - Caldueñu 3’49”
2. - Danza´l Señor San Pedro 5’28”
3. - El Saltón 3’49”
4. - Val.lebréu / Babia 4’40”
5. - An Dres 4’18”
6. - Muñeira 4’06”
7. - Jotes - Muñeira 3’53”
8. - Valsiaos 3’27”
9. - Los Taconeos 5’56”
10. - L´Agarráu reventón 3’18”
11. - Les Zreces 2’40”
12. - La Sueca de Conforcos - La Polca 4’51”