Ástura ye�l nome d�una tierra que güei nun esiste y qu�habitaren los antiguos ástures, repartida anguaño ente Asturies, Galicia, Llión y Miranda del Douro. Por eso los sos habitantes canten los sos cantares n�astur-llionés (asturianu, mirandés y llionés), castellanu y gallegu. A finales de 1999, desque se fexo un estudiu sobre los cantares más populares en Mieres (y que foren publicaes nel llibru Les cuarenta principales), descubrióse que, dientro d�un mesmu terrirtoriu, un mesmu grupu de persones podía non solo cantar indistintamente cantares en cualesquiera d�eses llingües sinon, amás, ser toos ellos patrimoniu del so folclore popular y tradicional.

Ástura naz del interés d�interpretar esti folclore vivu na forma más popular, na llingua propia y a la manera en que tradicionalmente se fexo. Dellos de los cantares son xoyes etnomusicolóxiques que se pierden na nueche de los tiempos, como dances, vaqueiraes, añaes y tonaes; otros pertenecen a les diferentes influencies musicales de los últimos sieglos, como les xotes, los fandangos, los saltones, los boleros y les xiraldiyes; y dellos pertenecen al folclore más averáu nel tiempu, como los pasodobles, les habaneres y los valses. Con una característica común: toos pertenecen al folclore vivu, lo que sigue cantando y tocando nes espiches, les xuntances d�amigos, los actos sociales y les fiestes.

Nel discu, Tradición, úfrensenos un total de 28 pieces, interpretaes con escrupulosa fidelidá a los principios del grupu, ensin disviase de la estructura tradicional de les pieces, y con gran sobriedá pero con abondos detalles y xestos sutiles qu�amuesen gran personalidá y bon tastu. Por más que s�espere, nun dexa de sosprender y almirar la perfección na execución instrumental de los cuatro integrantes d�Ástura, ente los que s�alcuentren dellos de los más interesantes instrumentistes tradicionales actuales, como Alberto Varillas, premiu Macallan de gaita nel Festival Intercélticu de Lorient, Marga Lorences a l�acurdión, Michael Lee Wolfe a les guitarres y Manuel Cordero a los instrumentos de percusiones. Nel discu hai, amás, abondes collaboraciones, ente les que val destacar les de Xaime Arias (pianu), Wendy Harwood (violín), Ismael Arias (voz y producción etnomusicolóxica)...

Cantares del discu:

1. Muñeira de Barganaz
2. El cura ta malu
3. Pasucáis de Noval
4. Xiraldilla d�El Carmín
5. Fandangu de Pachín
6. En el camp nacen flores
7. El Machaquito
8. Pasudoble�l Candonguín
9. Miña Basoira
10. Xota d�acurdión
11. Saltón d�Antón
12. Los Cesteiros d�Ibias
13. Cruz de Mayu
14. Polca de Nemesiu
15. Chalñaneru de Llaviana
16. Xiringosa de Mieres
17. Muñeira de Veriña
18. Yá sabes que tengo gaita
19. Xiraldilla de San Andrés
20. Valse de Fuxó
21. Muñeira�l Pisón
22. Alborada de Rendueles
23. Tirioni de Miranda
24. Cariáu de Silvamayore
25. Pande va la mio morena
26. Agarraos de Grandas
27. Xiraldilla d�Avilés
28. Muñeira de Lliberdón