 El Diañu Bailón Autor: Jorge Méndez
Interesante amiestu d´estilos onde predominen, xunta´l folc (son
tradicional), les igües más modernes, con sones perestremaos
(música clásica, ambiental, "nueva era"...).
Descripción llarga: Con esti trabayu yá son siete los discos d´esti músicu
multistrumentista, esponente d´una manera de componer y arreglar bramente
personal y fácilmente reconocible. El Diañu
Bailón ye un trabayu con un soníu diferente a los discos
anteriores de Jorge Méndez, yá que, al restu
d´instrumentos, acompáñenlos mayor númberu de
programaciones, nun claru esfuerzu de tentar d´axuntar nes sos composiciones el
componente tradicional o folk (influencia siempre presente na so obra) con unes
igües y un soníu más actual y modernu, influencia que nesti
discu ta más presente que nunca na so música "de
raigañu".
El discu ta compuestu enteru por Jorge Méndez--que cuerre
tamién cola producción--y, como n´ocasiones anteriores, la
mayoría de los instrumentos tán grabaos por elli mesmu: pianu,
clarinete, flauta, guitarres, percusiones, programaciones... salen de les sos
manes, y la única collaboración ye la del gaiteru Borja
Baragaño. El discu pue escuchase como si fuere un solu cantar,
yá que les pieces van enrestraes acordies a un desenvolvimientu
unitariu, entemeciendo con bon xeitu les estremaes melodíes y
ritmos.
Cantares:
- La llavandera fiestera. 4´14"
- Preludio. 3´00"
- Saltón. 5´39"
- Adagio. 1´40"
- Tierra. 2´08"
- Jiga para dos guitarras. 2´48"
- Reel de Picu Urriellu 3´10"
- Estudio nº II. 4´45"
- El diañu bailón. 3´23"
- Aire. 1´55"
- La maleta del indiano. 3´53"
- Agua. 14´00"
Preciu: 15,03 euros (2.501 pta)
Amuesa d'audio  (142,1 Kb.)
Referencia del proveedor: DS 426
Códigu de productu: 2028
|
