ENTAMU

De magar viera la lluz la primer edición de les normes ortográfíques de l´Academia, esta institución vien trabayando por completar los aspeutos que nun se contemplaren y por iguar les imprecisiones que, de toes toes, teníen qu´acompangar el procesu normativizador. Nun sen y n´otru allumáronse les dos entregues qu´apaecieron comu Amestadures y que diben llogrando, dientru de la necesaria llibertá, axuntar criterios d´unificación. Güei, ochu años dempués de les primeres normes académiques, somos a ufíertar una nueva edición que recueye tol llabor fechu a lo llargo d´esti tiempu, encontáu nos mesmos principios teóricos y empobináu a facer claro lo que nun quedare abondo esplícito. Ési ye´1 calter cimeru d´esta tercer edición de les Normes Ortográfiques: la so mayor esplicitación de tolo que, por cuenta de les prieses con qu´hebo trabayase na primer hora, quedare namái dibuxao o alloñao del detalle pol que pudiere naguar un llector ensin familiaridá cola llingua. Agora, col tiempu más llibre, afóndase nello, axúntase tola normativa asoleyada y ufiértase una edición abondo completa, tolo completa que pue ufrise anguañu, y que va ser ferramienta afayaíza nes manes d´escritores y enseñantes. La normativa nun ta asina peracabada pero, aunida al Diccionariu, asegurará dafechu, nel nivel téunicu, les posibilidades inxeríes na llingua.

Academia de la Llingua Asturiana