 Actos inexplicables Autor: Nacho Vegas
Primer trabayu llargu en solitario de Nacho Vegas, col que nos ofrez el so compromisu
cola sensibilidá y la sinceridá y pa dar un enfoque nuevu a la
figura del cantautor rock.
Descripción llarga: Falar de Nacho Vegas (09/12/74) ye falar d´ún de los talentos más
sobresalientes que salieren d´Asturies. Pesie a ser tan mozu entá, fo
protagonista de dalgún de los momentos más interesantes del
panorama musical de la década de los 90, como miembru d´influyentes
bandes asturianes (Eliminator Jr. y Manta Ray) y como infatigable collaborador
de luxu pa otros artistes de renome (Nosoträsh, Mus...).
Depués de la so etapa en Manta Ray y tres de desenvolver la so vena
más llírica xunto al poeta y director de cine, Ramón Lluis
Bande, en Diariu, presenta "Actos inexplicables", el so primer
trabayu llargu en solitario--anque non solu--, col nos ofrez el so compromisu
cola sensibilidá y la sinceridá y pa dar un enfoque nuevu a la
figura del cantautor rock.
"Actos inexplicables", coproducíu por Nacho Vegas xunto al
inconmensurable y nunca abondo emponderáu Paco Loco, fo grabáu y
amestáu nos estudios ODDS Norte (Xixón) y ODDS Sur (Cádiz,
Puerto de Sta. María) ente payares de 2000 y xineru de 2001.
Masterizáu nos prestixosos estudios M-Works Mastering de Massachusetts,
por Matthew Acevedo, responsable de trabayos pa la música d´Astor
Piazzola, James Taylor, Ennio Morricone, Thurston Moore y Lemonheads ente
otros.
El discu presenta diez canciones que van dende´l instrumental
cinematográficu homónimo hasta la espiral ruidista de
"Molinos y gigantes", interpretada xunto a los compatriotes Jr.
Canciones como "Al norte del norte", "El Ángel
Simón", "El Camino", "Sitios distintos",
"El callejón" y "Blanca" sorprenden pola
capacidá de criar una estética propia, y que xunto a la
adaptación del clásicu de Townes Van Zandt "Fare thee well,
Miss Carroussel" y el primer single asoleyáu "Seronda" ,
faen d´ "Actos inexplicables" un debú sobresaliente, nel que
les igües inspiraes de Carlos J. Martínez, les cuerdes, los
vientos, les guitarres eléctriques y acústiques, el theremin, el
baxu y el contrabaxu, el banjo y el sitar, la armónica y la
melódica, el pianu y el Nord Lead, y cada instrumentu qu´hai nél
ta al serviciu de canciones construíes sobre sentimientos verdaderos,
que falen de la pérdiga y l´alcuentru, de la confusión y la
claridá, de la carne y la melecina. Un discu preñáu de
preguntes ensin rempuesta y rempuestes ensin pregunta.
Preciu: 15,03 euros (2.501 pta)
Amuesa d'audio  (160,4 Kb.)
Referencia del proveedor: actos_in
Códigu de productu: 2094
|
