Grabáu nos estudios Mundo Sonoro de Xixón, Popemas ve la lluz
el 2 d´abril de 2002. Como diz la discográfica, Elefant Records, el
tercer álbum de Nosoträsh ye una sorprendente
colección de venti pequenos temes pop qu´emocionen pol audaz
soníu minimalista y por unos testos que retraten lo cotidiano dende una
perspectiva muy personal.
La producción corresponde a Ibón Errazkin (ex Le Mans),
qu´afirma que nesti trabayu improvisóse asgaya nel estudiu, siendo una
de les sos principales aportaciones la busca de la heteroxeneidá. El
discu presenta abondes collaboraciones, como les de Nacho Vegas, Guiller
Momonje, Murky (Patrullero Mancuso), Frank (Manta Ray)...
Natalia sigue siendo la voz principal, anque ente les venti esquisiteces del
discu (más un track "ocultu") pueden escuchase tamién
les voces de Montse (Polilla), Cova (Corazón colilla) y Bea (Cenicero).
Pa enriba, Nacho Vegas empresta la so voz pa la canción Tres tristes
tigres.
Con esti trabayu, Nosoträsh culmina--pel momentu--una impecable
trayectoria, dexando claro´l so amor pol "arte" de la
composición de canciones; y la so estraordinaria capacidá y
sensibilidá pa criar "brevedaes", como siñala la
preciosa cita qu´apaez nel discu, d´Augusto Monterroso.
Canciones del discu:
- Arte
- Agarradita
- Copiloto
- Polilla
- Mejor
- Tan sólo por los besos
- La canción de aquel momento
- Gloria
- Corazón colilla
- Nada
- Cenicero
- Recuerdos que olvidé
- Electrojeanette
- Doméstico
- Maldito color gris
- Sobre mi pecho un alud
- Por los restos
- Simulacro
- Sentada al borde de mí
- Tres tristes tigres
