 El Naval Autor: Mus
Segundu discu llargu de Mus, con 10 canciones qu�algamen folk, pop, slow-core,
y ambientes cuidaos, cinematográficos dafechu
Descripci�n llarga: "El Naval" ye�l títulu escoyíu por Mus (Fran Gayo y
Mónica Vacas) pal so segundu trabayu llargu. Nél, cuntaren cola
collaboración d�Iván Palacios (ex-Medication) al baxu, Luigi
Navarro (Edwin Moses) a les guitarres y Frank Rudow (Manta Ray, Viva las Vegas)
a la batería, más una apaición estelar d�Irene Tremblay
(Aroah) tocando la guitarra acústica nel cantar "Sacramento".
Grabóse ente Febreru y Marzu del 2002 en casa, nel barriu d�El Natahoyo,
xunta los astilleros de Naval Xixón precisamente.
Les 10 composiciones amuesen a unos Mus que soltaren definitivamente el pesu de
la electrónica (y en munchos sentíos, el de la modernidá
como estilu y cáscara artística) pa siguir la sienda acolumbrada
nel so EP "Alma": folk, pop, slow-core, y ambientes cuidaos que
siguen siendo cinematográficos, pero qu�agora apunten más al
realismu y el planu curtiu qu�a los paisaxes o la criación d�universos
sentimentales paralelos.
Mus paecen compartir agora coordenaes musicales con Low, The Zephyrs, Hood, The
American Analog Set o L�Altra, pola so manera artesanal de tratar el
roíu, les melodíes y les testures. Esto fai qu� "El
Naval" sone llimpiu y sinceru. Y que nun siamos a estremar si nos tresmite
una serena tristura o la triste serenidá del que sabe que l�arte (la
música nesti casu) nunca nos fará menos infelices que somos
yá.
Canciones del discu:
- Al Debalu
- Al Oeste de la divisoria
- Sacramento
- Embalses y ríos
- Casera
- Cuesta
- Casi ensin zarrar los güeyos
- Quien bien te quier
- Rencor
- Enconfraos
Preciu: 16,83 euros (2.800 pta)
Amuesa d'audio  (141,0 Kb.)
Referencia del proveedor: nois1026
Códigu de productu: 2100
|
