Esti ye un métodu pa gaita asturiana acordies colos tiempos que vive l�instrumentu, dexando atrás los años d�ensiñu del tararéu, de cifraos estraños y d�invenciones retrógrades. Equí dase solución a tolos problemes que l�estudiante de gaita va dir atopando.

Xosé Manuel Fernández Gutiérrez, «Guti», (Oviedo, 1964) vien siendo un pioneru en tolo referente a la música tradicional asturiana, como preba el fechu de ser el primer gaiteru asturianu qu�amestó l�instrumentu con soníos orquestales, como quedara reflexao nel discu Nos Mares del Sur, grabáu cola Orquesta Sinfónica de Santiago de Chile.

Ente la catarvada de premios recibíos destaquen el Ventolín al meyor discu "con raíces" fechu n�Asturies, premiu qu�apurre la crítica especializao; en 1997 fo nombáu Vaqueiru d�Honor pol conseyu rector de la Vaqueirada d�Aristébano; nel añu 1998 recibió l�Urogallo de Bronce, nel apartáu de Gaita, otorgáu pol Centru Asturianu de Madrid, etc.

Fo�l cabezaleru de la Escuela de Música y Danza Tradicional de Valdés, la primera criada n�Asturies, d�estes característiques, asina como director y fundador de la única revista asoleyada n�Asturies con temática orientada dafechu a investigar y promocionar el folklore astur: Payel.la. Fo fundador del Festival Intercélticu d�Occidente, en Tapia.Gaiteru d�un de los primeros grupos folk d�Asturies, Xalabán, y fundador de "Mal de Ojo" y de Gandul, nel círculu de les Bandes de Gaites ye director delles de les más importantes d�Asturies, como la Banda de Gaites Ciudá d�Uviéu, Banda de Gaites Occidente, axuntanza de dellos grupos del occidente asturianu, y Banda de Gaites Avante Cuideiru, cola que tien grabaos tres discos bien innovadores (Vendaval Pixueto, Rosa de los Vientos y Salea).

Nel so llabor como Mayestru, tien puesto clas en Chile, Arxentina, Panamá, Uruguái, etc., amás de nel Conservatoriu de Grau Mediu del Valle del Nalón, Escuela de Música Tradicional de Cuideiru, Escuela de Música Tradicional de la Mancomunidá de les Cinco Villes, Escuela de Música Tradicional Avante Cuideiru, etc. Fixo, xunta otros mayestros gaiteros, un de los primeros métodos de gaita asturiana, publicáu pola Conseyería de Cultura d�Asturies, llibru de referencia nos Conservatorios y Escueles de Música Tradicional.

Durante 1997 y 1998 fo Presidente del Conceyu de Gaiteros d�Asturies. Anguaño, ye l�único gaiteru asturianu garráu pa formar parte de la XIRA de MAYESTROS SOLISTES EUROPEOS DE GAITA, formando plantel con gaiteros de reconocíu prestixu internacional como Patrick Molard, Mick O�Brian, etc.