 Nuevu Folk Asturianu. Volume IV Autor: VV.AA.
Cuarta entrega de la perconocida y apreciada serie "Nuevu folk
asturianu", nel que s´asoleyen cinco grupos nuevos del folk asturianu.
Descripción llarga: El discu entama col grupu Niundes, formáu por alumnos de la
escuela de música tradicional Llacín. Son seis miembros,
ente la guitarra, bouzouki, gaita, vigulín, bodhran y voz, que con
soníu acústicu domináu principalmente pola cuerda del
bouzouki y la guitarra, la gaita y la voz de Belén Díaz,
recuérdanos a momentos a Corquiéu. Depués, nuna
llinia paecida, ta Bron, anque nesti grupu podemos atopar dellos nomes
conocíos nel folk asturianu como son Daniel Lombas
(percusión) o José Sevando Menéndez
"Pepín de Muñalén" (xiblates), que demuestren
xunto con Dolfu Fernández (vigulín) y Alberto
Alblanedo (guitarra y bouzouki), perbona técnica interpretativa y un
gustu pol folk clásicu y acústicu.
Na metá del discu tán Gueta na Fonte, que representen un
estilu estremáu del restu de grupos del discu. Un folk más
tranquilu, nel que se nota la formación en música clásica
de dellos de los sos miembros, y que coles pieces cantaes, da un
resultáu que nun tamos mui acostumaos a escuchar dientro del folk
asturianu. Con Triba volvemos al soníu que domina la mayor parte
del discu, tres rapazos d´Avilés que con uilleann pipe, gaita, guitarres
y vigulín demuestren la so afición pol folk irlandés y
escocés, usando n´ocasiones composiciones y pieces tradicionales
bretones y asturianes.
A lo cabero que ta Ú?, un grupu que nes cuntaes apariciones
hasta´l momentu collecharen notories alabances pola esquisitez cola que son
p´axuntar la innovación con un gran respetu pa col tueru más
tradicional de la música asturiana. Esti sorprendente amiestu
d´orixinalidá y guapura sobresal por demás nes pieces
Xotes (interpretaes con muncho gustu), y Segadora, tonada
tradicional cantada pol xiblateru del grupu Pedro Díaz. El restu
la banda inclúi xente tan conocío como Rubén Bada
(vigulín), Antón Barquero (percusiones), Rubén
Álvarez (guitarra) y Horacio A. García
(contrabaxu).
En total, quince cantares--tres por grupu--que valen bien como vistazu
rápidu a lo que se ta a facer n´Asturies.
1. Taranis 5:14 (Niundes)
2. Enxamás ye pa siempre 4:30 (Niundes)
3. El Ramu 3:25 (Niundes)
4. A les rexes de la cárcel 6:11 (Bron)
5. Pasucáis pa Cabaniel.les 5:05 (Bron)
6. Saltón d´El Rasón 5:50 (Bron)
7. Sueños d´amor 2:50 (Gueta na Fonte)
8. Power of gaites 2:37 (Gueta na Fonte)
9. Gaiteru 2:31 (Gueta na Fonte)
10. Aportando a la tierra 3:55 (Triba)
11. Andros 4:41 (Triba)
12. A la mar fui por naranxes 2:23 (Triba)
13. Saltón 3.0 3:31 (Ú?)
14. Xotes 4:05 (Ú?)
13. Segadora 3:13 (Ú?)
Preciu: 15,03 euros (2.501 pta)
Amuesa d'audio  (158,2 Kb.)
Referencia del proveedor: CDÑAZ129
Códigu de productu: 2157
|
