Al son de la lluna Autor: Anabel Santiago
Un esperadísimu proyectu qu´axunta un bon númberu de músicos y escritores col envís d´arropar la voz de la permoza cantante de tonada Anabel Santiago, llamada a ser la ponte qu´avere la tonada a les nueves xeneraciones. Descripción llarga: Anabel Santiago ye, pesie a la so mocedá, una de les voces
más renomaes de la tonada. Dempués d´años de practicar un
estilu clásicu sorpréndenos con "Al son de la lluna",
onde l´actualización d´esti xéneru ye´l filu conductor. Pa ello
nun refuga d´esperimentar con soníos lletrónicos, folkis o
rockeros. Ye ésti un trabayu variáu y amenu, con estremaos ritmos
y arreglos que realcen la inconfundible voz d´esta cantante llamada a ser la
ponte qu´avere la tonada a les nueves xeneraciones. Aspeutu destacable
tamién son les lletres de los cantares, onde collaboren dellos de los
meyores escritores asturianos d´anguaño. Al son de la
lluna ye un impecable trabayu que tresporta la canción asturiana
al presente sieglu.
La propuesta busca bien a les clares abrir nuevos caminos a la música
asturiana y son delles les novedaes que van nesti sen: De mano, nun s´usa solo
la gaita p´acompañar la voz de la cantante, alcontramos a Xuan Nel
Expósito colos curdiones, a Diego Pangua nes gaites y les
xiblates, Ramón G. Morán pon los teclaos, Roberto
Díaz "Tana" na batería y nes percusiones,
amás de los productores del discu, Sergio Rodríguez y
Rubén Bada, qu e faen aportaciones perimportantes en cuantes a
programaciones, vigulinos, guitarres y baxu.
Tamién collaboraron voces como la de Xosé Ambás,
qu´echa una danza con Anabel en "Cantar del home solu", y
Marta Elola en "Señaldá", que ye una gallegada
mui especial. Pero non solo cambia lo qu´acompaña a la cantante,
tamién la propia cantante atrévese con estilos diferentes--
vaqueiraes, dances...--averándose incluso en dellos temes a un estilu
pop, que por supuestu, nun tamos avezaos a topar en discos de cantantes de
tonada.
Les lletres de los cantares son toes d´escritores d´anguaño, quitando´l
bonus track "Coyi d´un artu una flor" que ya pudimos escuchar nel
discu de la Xunta Moza "L´Asturianu vive, la llucha sigue".
Los escritores son xente tan conocío como Xuan Bello, Inaciu
Llope, Pablo Antón Marín Estrada...etc. Con too y con
ello, como nun podía ser d´otramiente, nel discu tamién hai sitiu
pa tonaes cantaes siguiendo l´estilu tradicional, anque con pequeñes
variaciones, como pasa colos cantares "Asturies", "Amor quien te
tuviera" y "Coyí d´artu una flor".
Cantares del discu:
1. Son de la lluna
2. A la mar vanse los ríos
3. Alma de fierro
4. Cantar del home solu
5. Buscando lleña
6. Vaqueira
7. Les andarines
8. Amor quien te tuviera
9. Asturies
10. Señaldá
11. Bonus track: Coyí d´un artu una flor.
Preciu: 15,03 euros (2.501 pta) Amuesa d'audio (152,7 Kb.) Referencia del proveedor: CDÑAZ131 Códigu de productu: 2158
|