La banda de gaites "La Raitana" ta dirixida pol gaiteru Flavio R. Benito, y ta formada por alumnos de los cursos de gaita y percusión de los conceyos de Nava y Piloña. El discu ye una forma de presentar la música de les bandes de gaites fuera del modelu habitual, nel que normalmente namás que sentimos les gaites y la percusión. Siguen un estilu asemeyáu al de la banda "Llacín" col so "Tornallás"; a la banda acompàñenla guitarres, secciones de metales, teclaos, qu´apaecen en dellos temes, tamién collaboró´l grupu de percusión "Tocándar" de Portugal y la Coral Polifónica Piloñesa.

La producción musical ficiéronla Jordi F. Bolta y el propiu Flavio, les más de les pieces grabáronse en direuto nel muséu de la sidra de Nava, el restu de pieces nos estudios "La Factoria" de Piedras Blancas.

Canciones del discu:

1. La Guía / L´Allegría - 2´54" (Tradicionales asturianes)
2. Dosibemol - 1´34" (Flavio R. Benito)
3. Mara - 3´13" (Flavio R. Benito)
4. Amiestu asturianu - 5´06" (Tradicionales asturianes)
5. Aguiar 203 - 5´33" (Flavio R. Benito)
6. Sones de Cangas - 4´01" (Tradicional asturiana)
7. Mocina dame un besín - 2´51" (Antolín de la Fuente)
8. Xota de Bual - 3´11" (Tradicional asturiana)
9. Dime Xilguerín Parleru / Canteros de Covadonga - 4´34" (Tradicional asturiana)
10. Alborada de Villanueva - 2´05" (Flavio R. Benito)
11. Añada - 2´09" (Tradicional asturiana)
12. Celtic - 3´58" (Tradicionales de Breizh, Galicia & Alba / Scotland)
13. Look for us in Pernambuco / Búscanos en Pernambuco - 4´43" (Flavio R. Benito)