Tornando al abellugu´l llar Autor: Brenga Astur
Tercer discu de Brenga Astur con 12 nueves canciones y nel que siguen apostando
pola reellaboación del repertoriu tradicional asturianu, amás de
les pieces propies y d´otros países celtes. Descripción llarga: Tercer discu d´esti perconocíu grupu de folk astur que vive ente
Asturies y Madrid y conocíos pola so clara predilección pola
sonoridá de les denomaes "ceili band" irlandeses. Nel CD
úfrennos 12 nueves y espléndides canciones y qu´amuesen que la
banda sigue apostando a les clares pol repertoriu tradicional asturianu como
tueru principal de los sos discos, anque nesti tienen tamién dalguna
composición propia y una llixera güeyada a la música bretona
al traviés de les pieces. Tamién siguen apostando pol so
soníu ente lo acústico y lo eléctrico, creando una ponte
ente la tradición y la so visión del folk, que ye la tarxeta de
visita de Brenga Astur. Ente les rellumantes collaboraciones nesti trabayu
destaquen les d´Eric Rigler, cola gaita escocesa, y qu´intervieno en bandes
sonores tan conocíes como les de Braveheart y Titanic, Germán
Díaz, músicu de gran reputación cola zanfoña o
Concha García cantando y faciendo voces.
Preciu: 15,03 euros (2.501 pta) Amuesa d'audio (130,6 Kb.) Referencia del proveedor: Brenga3 Códigu de productu: 2185
|