Étnico ma non troppo Autor: José Ángel Hevia
Peresperáu tercer discu en solitario del gaiteru más esitosu
de tolos tiempos, con 10 pieces nueves. Descripción llarga: Depués de tar en Tierra de nadie y viaxar Al otru llau,
José Ángel Hevia vuelve´l prósimu 28 d´abril con
Étnico ma non troppo, el so tercer dscu. Nél,
l´innovador gaiteru asturianu vuelve amestar con gran aciertu aires
folclóricos coles tendencies más nueves de la música
lletrónica.
Hevia (Villaviciosa, Asturies, 1967) ye un de los nuestros
músicos más internacionales. L´orixinal gaiteru, inventor de la
gaita midi multitímbrica, tien ufrío daqué más de
300 conciertos en más de 200 ciudaes de tol mundu. Dende la
edición del so discu solu Tierra de nadie (1998) lleva
vendíos cásique dos millones de discos en más de 40
países de los cinco continentes.
Con un bagaxe d´esa mena y con dos álbumes multiplatino a les espaldes,
Hevia entamó en 2002 el so propiu estudiu de grabación y
xunta David White y Huge de Courson, los trabayos de
preproducción y programaciones del so peresperáu tercer discu en
solitario: Étnico ma non troppo. Nél inclúi 10 pieces
nueves, d´ente les que sobresal la baillable y comercial "Taramundi",
y nes que vuelve axuntar lo meyor del folclore asturianu con soníos
lletrónicos.
Étnico man non troppo, títulu que surde d´un xuegu de
palabres nel que s´amiesta lo tribal colo clásico y que promete repetir
(sinon superar) l´aceptación de los discos anteriores, fo grabáu
y producíu pol propiu artista.
Pieces del discu:
1- Taramundi 130
2- Carretera d´Avilés
3- La Carriola
4- Pericote de Llanes
5- Tirador
6- El Torques
7- San Xuan
8- Pasu Pasucáis
9- Étnico ma non troppo
10- Entremediu
Preciu: 16,55 euros (2.754 pta) Amuesa d'audio (140,0 Kb.) Referencia del proveedor: Hevia3 Códigu de productu: 2213
|