Cybermercado
Llibros
M�sica
Artesan�a
Alimentaci�n
Videos
Instrumentos
Ropa
Complementos
Carteles
Busca rápida

Al son del Fueu

Autor: Xuacu Amieva

Al son del Fueu ye�l títulu del nuevu trabayu del veteranu gaiteru Xuacu Amieva, que fai�l númberu cinco na so carrera en solitario.

Descripci�n llarga: Dempués de munchos años como mayestru de gaita, músicu de grupos como Ubiña o Beleño, sacar dellos métodos de gaita y cuatro discos en solitario, apaez esti Al son del Fueu, un discu coherente dafechu cola carrera y l�estilu de Xuacu Amieva.

Esti discu de trece temes mantiénse na llinia estilística de los trabayos anteriores del músicu. Una forma de tocar y unes composiciones que tán mui averaes a lo que ye la música tradicional, que siempre fueron la seña d�identidá de Xuacu Amieva. Pero nesti discu nótase tamién la mano del productor musical Xel Pereda, guitarrista del grupu señeru Llan de Cubel. La concepción tan diferente de lo que ye la música folk y de lo que ye la reinterpretación d�una música tradicional que tienen estos dos músicos, xúntase nesti Al son del Fueu, onde la gaita defende�l so papel y les cuerdes de Xel Pereda marquen el so espaciu como acompañamientu de la gaita, que ye --como nun podía ser d�otramiente--, l�instrumentu principal del discu. presente trabayu d�Amieva de xuro nun ha sona-yos estrañu a los veceros del perconocíu gaiteru, anque con namás escuchalu con un migayín d�atención decátase ún de que supón un pasu más na so evolución musical.

El resultáu qu�agora s�asoleya ye�l frutu d�añu y picu de trabayu nos Estudios Mundo Sonoro de Xixón, con Xel Pereda como inxenieru de soníu y productor musical, Olmo Morán técnicu de soníu. La banda cola que se grabó�l discu son Xel Pereda na guitarra y mandolina, Xavi Méndez col baxu, Fernando Arias nes percusiones, Ramón Prada nos teclaos, Simón Bradley col vigulín, Paula Lueje al vigulín y la viola y Daniel Lombas nel bodhrán. Como collaboraciones podemos atopar a Yago Prado de Llangres, Banda de gaites Naranco, un cuartetu clásicu de cuerda, la gaitera gallega Susana Seivane y dellos más artistes asturianos y foriatos.

Al cabu, demuéstrase que pagó la pena aguardar tanto la nueva aportación discográfica del maestru gaiteru, mesmo pol amiestu de tradición asturiana con música pervariao del Arcu Atlánticu, como edición percuriosa de la obra, qu�inclúi toa mena de detalles como testos y esplicaciones p�abondo sobre la música y la cultura popular asturiana.

Cantares del discu:

01. Al son del fueu ............... 4,36
      Lletra y música: Xuacu Amieva / Arranchu: Xel Pereda

02. Marcha Brañes / Muñeira d�Antón ............... 3,31
      Marcha Brañes: Xuacu Amieva
        Muñeira d�Antón: tradicional / Arranchos: Xuacu Amieva y Xel Pereda

03. Los cuatru alleranos ............... 3,47
      Lletra: tradicional / música: Xuacu Amieva

04. Gallegada / Muñeira d�Irina ............... 2,49
      Gallegada: tradicional
        Muñeira d�Irina: Xuacu Amieva

05. Canciu del gallu montés ............... 4,02
      Xuacu Amieva

06. Galeguiñu / Muñeires de Mazucu I y II ............... 3,32
      Galeguiñu: lletra tradicional / música: Xuacu Amieva
        Muñeires de Mazucu I y II: Xuacu Amieva

07. Fandangu de Tinéu / Muñeira de Xixón ............... 3,43
      Fandangu de Tinéu: tradicional / igües: Xel Pereda
        Muñeira de Xixón: tradicional, igües: Xuacu Amieva

08. Güeyos chispiantes ............... 3,52
      Lletra y música: Xuacu Amieva

09. Saltón-Reel / Cueña Les Cabres ............... 3,29
      Saltón-Reel: Xuacu Avieva
        Cueña Les Cabres: Xuacu Amieva

10. Xunci les vaques ............... 3,38
      Lletra: tradicional / música: Xuacu Amieva

11. Marcha de Balboa 5,m
      Xuacu Amieva

12. Pasucáis del Narancu ............... 2,37
      Xuacu Amieva

13. Quirós ............... 3,17
      Lletra y música: Xuacu Amieva

................................................... Tiempu total:  48,14

Preciu: 15,03 euros (2.501 pta)
Amuesa d'audio    (136,9 Kb.)
Referencia del proveedor: PF-0010
Códigu de productu: 2272

 Unidá/es al carru
Boton Retroceso
Principal | Buscar | Carru | Mercar | Veceros | Suxerencies