Dixebra Cróniques d´un Pueblu Autor: Dixebra [+ Francisco Álvarez]
Discu-llibru que fai repás a la historia de Dixebra y l´Asturies
d´estos quince últimos años, per aciu de testos, semeyes, muncha
música y hasta un videu. Descripción llarga: El discu tien nin más nin menos que 19 cantares nos que podemos topar
dende lo más vieyo hasta temes del últimu discu, con 5 versiones
nueves de canciones emblemátiques (grabaes otra vuelta pal discu, como
"Skandalera" o "Pallabres vieyes"). Otres 5 canciones
apaecen remezclaes y remocicaes con instrumentos nuevos como gaita, vientos...
("Baila´l Mileniu" o "La Danza) y la versión
d´"Asturalia" aseleyada nel recopilatoriu L´asturianu vive, la
llucha sigue, editáu pola Xunta pola Defensa de la Llingua
Asturiana. Pel mediu los cantares hai sampliaos que-y da continuidá
al cd. Nestes "cuñes" hai situaciones cómiques sacaes
d´entrevistes al grupu, comentarios de miembros de la banda o hasta un cachu
d´un discursu del expresidente de l´Academia de la Llingua Asturiana,
Xosé Lluis García Arias. El discu inclúi
tamién una pista CD ROM col famosu videu de "Nun llores",
censuráu na televisión.
El llibru de Dixebra Cróniques d´un Pueblu, escritu pol
periodista xixonés Francisco Álvarez fai un
percorríu pela hestoria social d´Asturies al empar qu´un viaxe pela
hestoria del grupu, con constantes referencies a cómo se reflexaron
fechos destacaos de la realidá asturiana nes lletres de Dixebra.
Una historia paralela contada por Francisco Álvarez, que nos recuerda
histories cotidianes del grupu, fechos importantes na so carrera musical, pero
siempre mirando pa un país que da abondo sobre lo que cantar.
Caltién una estensa esbilla de semeyes de la banda.
Cantares en discu:
1. Baila´l mileniu.
2. Skandalera.
3. Mañana fría.
4. Duérmete neñu.
5. Pallabres vieyes.
6. Vientu na cara.
7. Tía nemesia.
8. Búscate a ti mesmu.
9. Dime como ye.
10. Asturalia.
11. Wilma loulé.
12. La danza.
13. Nesti mundiu traidor.
14. Grieska.
15. Indios.
16. Pan y roses.
17. Canciu d´amor.
18. Nun llores.
19. Da-yos caña.
Preciu: 15,03 euros (2.501 pta) Amuesa d'audio (142,6 Kb.) Referencia del proveedor: DixCron Códigu de productu: 2376
|