 La vida es un blues Autor: Rody Herrera Blues Band
A la so indiscutible calidá como instrumentista, al sólidu soníu de los sos músicos, Rody Herrera añede agora una insospechada calidá como autor y cantante.
Descripci�n llarga: La vida de Rody Herrera ye la música. Son más de venti
años de guitarra y escenarios los que lleva tres de sí. Ye un
de los históricos de la música folk asturiana pero perriba de
todo ye un guitarrista y amonicista con bien d�esperiencia nos más
variaos estilos de blues, funky, folk y jazz.
Nació en L.luarca (Asturias) y medró en Madrid, onde con
namás trece años entama a tocar en locales de estremaes
tendencies musicales llegando a formar duu con Pedro Guerrero,
guitarrista del grupu de folk-rock madrileñu Labanda, y
con Ramón Arroyo, actual guitarrista del grupu Los
Secretos.
En 1983 vuelve pa Uviéu, toma contactu colos músicos que
tán entamando revolucionar la música tradicional asturiana:
Xuacu Amieva, Pedro Pangua, Fernando Largo...
Xúntase con ellos y graba Na ca´l fuau, el primer
discu del míticu grupu de folc Beleño (1985). Poco
dempués, cola mesma formación participa nel discu
Víctor Manuel en directo, grabáu nel conciertu
ofrecíu pol cantautor na Universidá Llaboral de Xixón y
emitíu per TVE.
Daquella, cuando cuaya l�actual música folk asturiana, Rody ta
cásique a toes. Foi miembru fundador de Ubiña y,
xunta Hevia, tamién del grupu Boides. El so nome
apaez nos discos d�entrambos grupos, pero Rody Herrera nun s�apiega solo
a esti xéneru musical. Son abondes les collaboraciones que fai con
diversos músicos locales, en vivo y n�estudio, y empicipia ser
solicitáu como profesor de guitarra, xera que desenvuelve de manera
particular y en dellos centros d�enseñu públicos y privaos de la
redolada. Hasta güei mesmo.
Nos años noventa toca en solitario blues, jazz, funky, mentes empicipia
componer los sos primeros cantares propios. Pero los folkys siguen
llamándolu. Ta presente nos entamos de la banda de los hermanos
Tejedor, grabando Texedores de suaños, y per un
tiempu ye�l guitarrista oficial del grupu cántabru
Luétiga. Por too ello diba ser interminable enumberar la
llista de festivales y conciertos de música folk nos que tien
participao, anque elli tien siempre mui presente so paso pel Festival
Intercélticu de Lorient (Bretaña) y pel Celtic Fest de
Chicago.
Adulces va buscando�l so camín. Xunta�l músicu norteamericanu
Michael Lee Wolf, al que conocía de los tiempos
d�Ubiña, participa nel nacimientu del grupu The
Blues Rangers col que graba�l CD The Fireman. Inquietu,
vuelve a los pequeños circuitos y cría una banda propia, tocando
un repertoriu de clásicos del blues y el jazz, a los que adulces va
amestando temes de cosecha propia. A la so indiscutible calidá como
instrumentista, al sólidu soníu de los sos músicos,
añede agora una insospechada calidá como autor y cantante, colo
que algama un públicu fiel, anque minoritariu.
Ye�l momentu de so, Rody Herrera ta maduru, llegó la hora de que
la lluz se proyecte sobre elli n�escena. Y equí tán estos trece
cantares a corazón abiertu coles que nos recuerda que, dempués de
too, La vida es un blues. (Testu presentación del CD, por
Lisardo Lombardia)
Cantares del discu:
1. La vida es un blues
2. Tu constancia da mucho de sí
3. ¡Qué contraste!, despertaste
4. Luna, sol, cielo y amor
5. Bríndame tu atención
6. Deberíamos ser tú y yo
7. Twice
8. Tú
9. Nena, quiero que sepas
10. Balada para tí
11. Tren de carga
12. Ciudad del blues
13. Homenaje a Charlie Mingus - Goodbye pork pie hat - Theme for Lester Young
Preciu: 15,03 euros (2.501 pta)
Amuesa d'audio  (142,8 Kb.)
Referencia del proveedor: FA.CD.87128
Códigu de productu: 2385
|
