Salia Autor: Corquiéu
Salia ye´l nome col que se nos presenta´l segundu discu de los asturianos Corquiéu. Descripción llarga: Salia caltién les virtúes que Corquiéu
yá espeyó nel so primer discu, La Barquera. Nesti trabayu el grupu afonda nes dos llinies estilístiques qu´amosó nesi discu, per un llau´l gustu por un folk contundente, rápido y que bebe ensin dubia de les fontes de grupos de corte irlandés y escocés. Esa podemos considerala una de les marques de la casa del grupu, la otra, l´apueste polos temes cantaos cola voz de la so vocalista Gema García. D´esta manera topamos siete temes cantaos nel discu con lletres del poeta Xandru Martín na que l´estilu averáu a les voces tradicionales irlandeses de Gema mecese, en dalgún momentu, con toques pop na so voz y nes igües.
La ufierta del repertoriu instrumental de la formación, reforzada por
ún de los flautistes mozos más prometedores d´Asturies, el navetu Xurde Fernández, nun se sal de la llinia marcada nel anterior trabayu, amiestos de temes al más puru estilu Corquiéu, xunta pieces melódiques de calter más sele y igües cuidaes qu´equilibren el discu.
Con too y con ello, nótase la mano na producción musical d´Igor Medio, bouzouky de Felpeyu, y la gran aportación técnica nel soníu del escocés Grant Milne. Amás nel CD tamién collaboraron músicos como´l baxista Horacio A. García y Ramón G. Morán a los teclaos.
Cantares nel CD:
1- Ribeseyana 2- Frieras 3- Llara 4- Bargaz 5- Entaína 6- Viquina 7- Polques 8-Boriada 9- Tubería 10- País Silente 11- Fontaine 12- Gaita
Preciu: 15,00 euros (2.496 pta) Referencia del proveedor: TDCD003 Códigu de productu: 2729
|