 De romandela Autor: La Bandina
La Bandina torna a reinterpretar la música tradicional, d’Asturies y de perdayuri, nesti segundu trabayu de so.
Descripción larga: La Bandina tienen bastante claro pa onde quieren dir, y cuales son les influencies que-yos empobinen a sacar el soníu que tienen nesti cd. El grupu afonda nel desarrollu melódicu de les pieces, usu permanente de voces y armoníes trabayes, obliganos a nun perder detalle de nengún cantar. Pa desenvolver bien esta xera, amás´ñas del bon facer los miembros del grupu, el grupu llevó hasta l´estudiu de grabación a músicos como´l baxista Luis Rodríguez o´l trombón de Marcos Malnero, que xúnense a la zanfona de Merce Santos, La gaita y saxu de Santi Caleya, les percusiones de Pablo Pumarada y el curdión de David Varela, que pasa de tocar la percusión nel grupu al curdión pa sustituyir a Octavio Trapiella antiguu curdioneru de La Bandina.
El grupu tamién tamién echó mano d´amigos pa los 5 temes cantaos del discu. Asina tenemos a Anabel Santiago que pon la voz en La Taza, o El repunte de la media, onde la calidá de la voz d´esta cantante reforzase col acompañamientu de la sección instrumental, p´apurrinos al final los meyores momentos del discu. Tamién rescampla nesti sen la participación del cantante de tonada Jaime Caleya, ayerán y pá del gaiteru del Grupu Santi Caleya, que demuestra nel cantar "Que gastamos amistá la fuerza" de la voz que-y fizo grabar dellos discos a lo llargo de la so carrera. Nun podía faltar nel cd ún de los temes más conocío de La Bandina, "Na Caleya" que vamos topar nuna versión normal y otra remix fecha pol productor co-productor Sergio Rodríguez.
Asina, dempués de sentir el discu vamos poder decatanos de que, anque les comparaciones seyan odioses pero de xemes en cuando necesaries, respecto al discu anterior el grupu evolucionó en delles estayes. Ello ye que´l cambiu nun ye radical, pero a naide se-y va escapar que´l grupu buscó un estilu nuevu, yá se sabe, renovase o morrer. El grupu quixo arriesgar, y apostó por un soníu nuevu, que como ellos confiesen ta influenciáu por grupos como Skolvan o Blowzabella.
Temes nel CD:
1. Tranca la trampa´l treme
2. Na Caleya
3. La lluna en porto do mos
4. Que gastamos amistá
5. El molín ruxe
6. Jota Centru
7. La taza (...de romandela)
8. Carámbanu
9. Son d´arriba
10. El repunte de la media blanca
11. Muñeira centraliega
12. Na caleya (remix)
Precio: 15,03 euros (2.501 pta)
Referencia del proveedor: FA.CD.87146
Código de producto: 2730
|
