 La nación (im)posible. Reflexiones sobre la ideología nacionalista asturiana Autor: Pablo San Martín Antuña
Pablo San Martín Antuña, sociólogu asturianu formáu na Universidá del País Vascu, vien dedicando dende hai años trabayos esenciales sobre la configuración y desarrollu d’un pensamientu primero asturianista en xeneral
Descripción llarga: Pablo San Martín Antuña, sociólogu asturianu formáu na Universidá del País Vascu, vien dedicando dende hai años trabayos esenciales sobre la configuración y desarrollu d’un pensamientu primero asturianista en xeneral, pero que nos últimos años del sieglu XX, al empar que s’esfardanen les estructures franquistes dominantes, fueron evolucionando hasta convertise nun proyectu nacionalista que, col oxetivu de qu’esi territoriu llegue a ser hexemónicu, incide na vida política y cultural d’Asturies. A esti espaciu d’investigación dedicó San Martín la so tesis doctoral, que ye la que s’espubliza equí, analizando esti desconocíu fenómenu dende una perspectiva basada na teoría política de discursos y, en palabres del autor, “con remarcables aportaciones de la teoría lacaniana”, y dende un averamientu críticu. El llibru pretende ufiertar una vision global, “empíricamente fonda y detallada”, lo mesmo teórica como práctica, sobre’l nacionalismu asturianu. Organízase en cuatro grandes ámbitos de reflexón: la emerxencia del nacionalismu asturianu, so estructura, l’orixen de los elementos del so discursu, y la construcción d’una narrativa histórica nacionalista con esos elementos.
Preciu: 30,00 euros (4.992 pta)
Códigu de productu: 2790
|
