 Muyeres que cuenten Autor: VV. AA.
Formatu: 13 x 20 cm
Esbilla de narrativa femenina n´asturianu. (2ª edición), 104 páxines
Resume: Esta antoloxía de la narrativa actual escrita por muyeres supón una novedá absoluta na lliteratura asturiana, porque ayuda a normalizar un panorama nel que s´echaba en falta l´aportación de les muyeres. Con ello non solo se da continuidá a una tradición d´escritores asturianes (onde destaquen les poetes Xosefa de Xovellanos, Teresa Villaverde, María Balbín, Ángeles López Cuesta, Eva González, Florina Alias o Nené Losada Rico) sinón que s´abre un camín nuevu nun xéneru que cuenta con espléndides narradores, como Enriqueta González Rubín, María Xosefa Canellada o Sabel de Fausta. Mª Teresa González, Carme Martínez, Esther Prieto, Lourdes Álvarez, Consuelo Vega, Berta Piñán y Maite G. Iglesias son les siete muyeres seleccionaes pa esta novedosa antoloxía, ordenada cronolóxicamente. Nengún de los cuentos que s´inclúi ta recoyíu en llibru. Amás de les notes biográfiques y de la bibliografía de cada autora, l´antoloxía complétase con un prólogu d´Oliva Blanco Corujo, profesora de Lliteratura, que vien dedicando desde va tiempu trabayos a la lliteratura asturiana y al feminismu.
Preciu: 8,26 euros (1.374 pta)
Referencia del proveedor: ISBN: 84-8053-045-6
Códigu de productu: 0012
|
