 Poesía (1976-1996) Autor: Manuel Asur
Formatu: 14 x 21 cm
Poesía n´asturianu, 208 páxines
Resume: Manuel Asur publica en 1977 el primer llibru d´El Surdimientu asturianu, Cancios y poemes pa un riscar, anunciando una nueva época pa esta lliteratura, que tuvo continuidá al añu siguiente con Camín del cumal fonderu. Nellos la poesía social, comprometida, alterna con una obra más intimista, amorosa. Nos años setenta dalgunos de los poemes más combativos, musicaos por Nuberu, algamaron una popularidá inimaxinable nun poeta asturianu, convirtiéndolu nel autor más representativu d´aquellos años, puntu de referencia pa les nueves xeneraciones d´escritores. Poesía (1976-1996) recueye la obra más representativa de Manuel Asur. La esbilla de los testos (les inclusiones y les ausencies) y l´orde nel qu´apaecen son responsabilidá del poeta. Tamién-y correspuenden a elli dalgunes diferencies que topará´l llector atentu en dellos versos ente les primeres ediciones y la que s´ofrez equí. Con esti llibru recuperamos la voz d´un autor esencial del nuesu tiempu. Equí tán xuntos venti años de la poesía asturiana más reciente.
Preciu: 12,62 euros (2.100 pta)
Referencia del proveedor: ISBN: 84-8053-068-5
Códigu de productu: 0016
|
