 Cuentos populares noruegos Autor: Asbjornsen y Moe
Formatu: 15 x 21 cm
Cuentos n´asturianu, 144 páxines
Resume: Los cuentos recopilaos por Peter Christen Asbjörnsen y Jörgen Moe representen l´ayalga más venerable de la lliteratura noruega. Na amuesa representativa que quier ser esta antoloxía apaecen dos tipos d´hestories: la eventyr, que ye´l cuentu propiamente dichu, y la sagn o lleenda. La eventyr reflexa la memoria arquetípica de los pueblos y desenrolla una lóxica interna similar a la de los relatos policiacos. La sagn fala de personaxes, llugares, sucesos con apariencia de realidá, pero´l so conteníu ye fantásticu. En conxuntu representen pal xuiciu actual de la xente un catálogu yá asimiláu de símbolos, estereotipos, anecdotarios de raros vezos, parodies d´ellos mesmos y intrahestoria. La traducción que Luis Salas fai d´estos cuentos dende una llingua tan estremada al asturianu podría xustificase pola tradición común del relatu oral, pola coincidencia nel misteriu y la gracia, pola correspondencia en munchos casos de personaxes fabulosos de la mitoloxía popular, y como homenaxe a los meyores difusores, que yá dende la so primer publicación en 1842 supieron esfacese de la colonización que la llingua danesa exercía sobre´l noruegu común, unificando les diverses fales del país y creando una obra lliteraria que ye un clásicu. Una mención especial merecen les ilustraciones, que son una contribución dramática imprescindible en cada reedición.
Preciu: 7,21 euros (1.200 pta)
Referencia del proveedor: 848725909X
Códigu de productu: 0063
|
