Poesía Autor: Teodoro Cuesta
Formatu: 15 x 22 cm
Poesía n´asturianu, 468 páxines Resume: Esti home naciera en Mieres en 1829. De vida un poco bohemia, trabayó en diversos oficios (caxista d´imprenta, periodista, maestru de música y músicu...) pa terminar rexentando l´Hospiciu n´Uviéu. Siempre buscó ocupaciones que-y permitieren escribir poemes, faciendose imprescindible en toles fiestes, celebraciones y homenaxes de la fin del sieglu XIX. Por eso morrió na miseria´l 1 de Febreru de 1895. La so popularidá llegó viva hasta nós, onde cualesquier asturianu ye a repitir cachos del poema Andalucía y Asturies, polémica que mantuvo col andaluz Diego Terrero, profesor de la Universidá d´Uviéu. Amás de muchos poemes dedicaos a personaxes ilustres, lo que destaca de la so obra ye´l retratu que fai, irónicu a veces, del so tiempu. La obra qu´escribió ye muncha. La mayor parte d´ella recuéyese nesti llibru publicáu cuando se-y dedicó la Selmana de les Lletres Asturianes de 1990. Sicasí, tovía agora siguen apareciendo poemes y traducciones non recoyíos nesta edición, publicaes en revistes y llibros del so tiempu de los que munches veces nun tenemos noticies. Edición de Carmen Díaz Castañón.
Preciu: 18,03 euros (3.000 pta) Referencia del proveedor: 8487259081 Códigu de productu: 0079
|