Diccionariu asturianu-castellanu, castellanu-asturianu Autor: Xuan Xosé Sánchez Vicente
Formatu: 18 x 25 cm
Diccionariu billingüe. 2ª edición (2002). 574 páxines. Encuadernación en tapes dures. Resume: El Diccionariu Asturianu-Castellanu, Castellanu-Asturianu,
de Xuan Xosé Sánchez Vicente, ye ensin dulda la obra más
completa d´estes característiques de que puen disponer agora toles
persones interesaes na llingua asturiana.
L´autor parte del so Diccionariu de la Llingua
Asturiana, publicáu en 1988 y agotáu al poco, y
añade más de cinco mil palabres nueves, completa les definiciones
de les que yá tenía aquelli, incorpora más frases feches y
refranes y sinfinidá de sinónimos. El resultáu ye esti
gran diccionariu, el más completu y rigurosu, una ferramienta
indispensable pal alumnu en tolos sos niveles, de la enseñanza primaria
a la especialización universitaria, pa los profesores, escritores o
traductores, y pa los que trabayen cola llingua. Pero ye tamién una obra
de consulta imprescindible pal que tenga ensin más interés pola
llingua asturiana y por conocer meyor la gran riqueza del vocabulariu
asturianu. Ofrécense xuntos, trataos con rigor científicu y
metodoloxía profesional, los repertorios clásicos de palabres
asturianes, les fontes lliteraries y la fala de güei.
Complétase con una importante novedá: un apéndiz
Castellanu-Asturianu.Encuadernación en tapa dura.
Xuan Xosé Sánchez Vicente nació en Xixón en
febreru de 1949. Ye llicenciáu pela Universidá
d´Uviéu, catedráticu de llingua y lliteratura y profesor nel
institutu El Piles de Xixón.
Ye presidente del Partíu Asturianista dende la so fundación en
1985. Dende 1991 ye Diputáu nel Parlamentu Asturianu por esta fuercia
nacionalista.
Tien publicaos una novela, tres llibros de poesía, cuatro de
narraciones, dos de teatru, cuatro ediciones de clásicos asturianos,
cuatro d´ensayu y estudiu y, con esta edición, dos diccionarios.
Tamién ye autor de infinidá d´artículos
d´investigación y collaboraciones polítiques, lliteraries y
llingüístiques en periódicos y revistes especializaes.
Preciu: 37,00 euros (6.156 pta) Referencia del proveedor: ISBN:84-8053-211-4 Códigu de productu: 0105
|