 El tren de medianueche y otros cuentos Autor: Sabel de Fausta
Formatu: 13 x 20 cm
Cuentos n´asturianu, 104 páxines
Resume: Sabel de Fausta recueye nesti volume los cuentos que tien escritos en llingua asturiana dende primeros de los años ochenta hasta agora. La mayor parte d´ellos son retratos de la vida cotidiana, escenes tomaes de la cai y en toos ellos destaca la naturalidá y fluidez narratives xunta un llinguaxe curiáu y asturianísimu. Dalgunos d´estos cuentos recibieron el primer premiu en distintos concursos: Boniel el de "Autores Noveles" de la Universidá Popular de Xixón en 1984, Esperteyu el de "Llectures pa Rapazos" de l´Academia de la Llingua de 1987, Los güeyos el de "Cuentos" del Ayuntamientu de Carreño de 1987, La güerta xixonesa el del Ayuntamientu de Xixón de 1987. La lancha llevó un accésit nel "Concursu de Relatos de la Mar" del Ayuntamientu de Carreño de 1984.Poeta y narradora, Sabel de Fausta ye l´alcuñu col que firma la so obra Isabel López Labrada (Xixón 1934). Ye péritu pola Escuela de Comerciu de Xixón. Amás de dellos trabayos recoyíos n´ediciones colectives, publicó Coples del Antroxu en 1983 y 1984 y Mercáu de vida, mercáu de muerte, premiu "Esperteyu" en 1987. Ye collaboradora davezu de la sección Alitar Asturies d´El Comercio y en 1984 fexo pa Radio Xixón los guiones d´un espaciu que llogró popularizarse: El requexu de Balba.
Preciu: 7,51 euros (1.250 pta)
Referencia del proveedor: ISBN: 84-8053-063-4
Códigu de productu: 0143
|
