Dividida en tres partes, Escuela de melecineros empieza retratando los sanadores que s´ocupaben por igual del cuerpu y de l´alma de la xente. Dempués siguen les Novedaes del mundu y fauna máxico, delles notes del mal de güeyu, el diañu y los trasgos, el llobu y tamién del raposu y diversos animales fantásticos, onde van varios que son -diz Cunqueiro- "de la mio imaxinación, lo nun quier dicir que nun sían, y nel más estrictu sensu, reales..." El llibru zárrase cola Fábula de varia xente, nueves hestories de personaxes del país, peñeraes con un humor mui nuesu.