 Hestories piquiñines Autor: Tante Blanco
Formatu: 13 x 20 cm
Cuentos n´asturianu, 160 páxines
Resume: Tante Blanco nació en Tolivia, conceyu de Llaviana. Dempués de pasar pela escuela de xunta casa, estudió dende los once años colos cures y flaires, n´internaos. Llueu fexo Filoloxía na Universidá d´Uviéu. Cuando taba en cuarto cursu y cerquina d´acabar la carrera pegó un volantazu, cambió
I´aguya pa otra vía y marchó pa la mili, aburríu d´estudiar coses que nun-y gustaben ná. Al cabu unos años dempués, xunto con dos hermanos y dos vecinos, fexo un grupu de rock llamáu Los Berrones, col que llogró un ésitu inimaxinable cantando n´asturianu. Anguaño ta, nes sos propies pallabres, «nel pelotón de los torpes y lisiaos del Pozu Carrio, llevando trompazos cuasi tolos dies». Tamién-y da, diz, por escarabayar, por gastar tinta emporcando papelones. El resultáu ye esta primer obra, un
divertíu llibru de cuentos que retrata la vida escolar de los años sesenta en cualesquier pueblu d´Asturies. Son «hestories piquiñines», del tamañu de los protagonistes, enllenes de tenrura y humor, d´ironía, tremendes y n´ocasiones hasta brutales, como lo yera la vida mesma. Tante Blanco, igual que fixera coles canciones de Los Berrones, sabe escribir col encantu y el frescor de quien vivió munches de les anécdotes que se cuenten, cola sabiduría del narrador tradicional, pero tamién col oficiu del escritor modernu.
Preciu: 14,42 euros (2.399 pta)
Referencia del proveedor: ISBN: 84-8053-077-4
Códigu de productu: 0153
|
