La casa y otros cuentos Autor: María Teresa González
Formatu: 13 x 20 cm
Cuentos n´asturianu, 96 páxines Resume: María Teresa González nun se dio priesa en publicar. Nacida en Tremañes en 1950, vive en Xixón. Hasta 1987 nun editó´l primer llibru de poemes, Collaciu de la nueche. Nesti mesmu xéneru continuó publicando y asina en 1989 apareció Ochobre y en 1993 Heliocentru, toos escritos n´asturianu. En 1990 recibió´l premiu Cálamo de poesía erótica por Con húmedos lamentos de felino, nesti casu en castellanu. La obra narrativa d´esta autora ye posterior entá a la poética. Nesti volume, el primeru de cuentos que publica, recueye la totalidá d´ellos hasta´l momentu, dalgunos yá asoleyaos per revistes y periódicos y otros premiaos en diversos concursos lliterarios, según s´indica oportunarnente al pie de los cuentos correspondientes. Esti llibru ye´l primeru de narrativa non infantil o xuvenil que publica una muyer d´El Surdimientu.
Preciu: 6,91 euros (1.150 pta) Referencia del proveedor: ISBN: 84-8053-029-4 Códigu de productu: 0158
|