En La lluna y les fogueres, la última novela que publicó enantes de suicidase, Pavese sintetiza con mano maestra´l so mundu lliterariu. que nun ye otru que la vida mesma: la infancia, lo rural, la marxinación, el desarraigu, el deprendizaxe, la emigración, la guerra, l´amor siempre difícil y, peñerando enriba too ello, la muerte y la so purificación nel llume. Elli mesmu dixo dacuando qu´escribir yera "poner nes pallabres tola vida que se respira nesti mundu, comprimila y amartiellala". La so poesía y la so narrativa inflúin de manera destacable nuna parte de los escritores mozos asturianos.