 La tierra entero Autor: Berta Piñán
Formatu: 13 x 20 cm
Cuentos n´asturianu, 112 páxines
Resume: Los dieciséis cuentos que formen La tierra entero, Premiu de Narraciones Trabe 1995, preséntense al llector como un retratu plural de la esperiencia humana, variao tanto dende´l puntu de vista formal (relatos brevísimos que malapenes ocupen una páxina xunta cuentos yá más llargos) como polos temes: la visión candial y dura de una sociedá rural que decái (Ñeva, Paisaxe con figura, Samartinu, El Pindal...), la violencia cotidiana de les rellaciones humanes nuna sociedá que camina pel asfaltu (Atracu a mano armada, El mundu ye un pañuelu...), la convivencia difícil (Amnesia, Rellaciones prematrimoniales...), pero too ello mirao siempre dende una perspectiva cotidiana y realista que dalguna vegada (L´airón del desiertu) conviértese en máxica.Paisaxe con figura ganó primeru´l concursu de cuentos Fernández Lema (1995) y sirvió más tarde (1996) como guión pa un curtiu de televisión que tien el mesmu títulu. Berta Piñán nació en Cañu, Cangues d´Onís, en 1963. Conocida y prestixosa poeta, xéneru nel que tien dos llibros publicaos (Al abellu les besties, 1986 y Vida privada, 1991), recueye nesti volume la obra escrita hasta´l momentu, que yá s´adelantara en l´antoloxía Muyeres que cuenten"(1995).
Preciu: 6,91 euros (1.150 pta)
Referencia del proveedor: ISBN: 84-8053-064-2
Códigu de productu: 0163
|
