Na primera vemos como un ciudadanu normal se convierte nun asesín ensin motivu aparente, y na segunda como lu xulga una sociedá indiferente. Pero ye a la vez un relatu lúcidu de la carencia de valores del nuesu tiempu. El protagonista decátase al final de que la indiferencia del mundu nun ye una victoria, ye un fracasu.

Albert Camus (Mondovi, Arxelia, 1913-1960), a pesar de que se diera a conocer como ensayista, llabor que continuará a lo llargo de toda la vida, ye más conocíu como narrador o como autor de teatru que como pensador. Noveles como la que presentamos al públicu asturiano o La peste (1947) y La chute (1956) fixeron d´él un autor fundamental d´esti sieglu que, a medida que pasa´l tiempu, más se revaloriza. Como autor de teatru escribió Le malentendu (1944) y Calígula (1945) ente otres obres. Recibió en 1957 el Premiu Nobel de Lliteratura, tres años antes de morrer nun accidente de circulación.