 Griesca Autor/Grupu: Dixebra
CD de rock n´asturianu
Descripción/Canciones: Dixebra ñaz nel añu 87 col enfotu d´abrir una nueva brecha nel tarrén del rock asturianu. Amestando estremaes influencies -esbillando pente´l punk, hard, reagge...- nagüen sicasí por aportar un peculiar elementu d´identidá: l´emplegu de la llingua asturiana y el compromisu cola defensa d´una cultura popular menazada. Nesti sen pretenden dixebrase d´una tradición tipificaddora que relegaba la especificadá de lo asturiano a una identificación necesaria y frecuentemente despectiva, colo rural. Ensin arrenunciar a los raigaños que s´albidren nunos testos ecoloxistes o d´idealisnu llibertariu los Dixebra reconócense como urbanos. El nucliu orixinariu del grupu al que darréu s´apuntaron miembros de Xixón y Uviéu ye d´Avilés, ciudá perindustrializada na que la castellanización llingüística afondó más fuerte. Ye poro´l so llabor radicalmente innovador nesi ámbitu, pero por ello más consecuente col proyectu de xuntanza que, dende va unos años, se vien afitando na mocedá asturiano al rodiu de la recuperación de la llingua nacional. Esgolfien nes sos lletres, igualmente, otres cuestiones que cinquen a la xuventú, drogues, paro, desencantu; too ello col enfiñu de buscar un averamientu, una conesión, depués del choque anicial (l´asturianu ye pa esa mocedá y n´especial pa lo avilesino, un idioma seudoprósimu, seudoalloñáu...) En fin, col enfiñu de sacar de la inmovilidá, de l´apatía al personal, y entamar a monta-yos la bronca, la Griesca, a los que tán interesaos en que les coses nun camuden mayormente.
Preciu: 10,82 euros (1.800 pta)
Amuesa d'audio  (495,8 Kb.)
Referencia del proveedor: FA.MCD.8720
Códigu de productu: 0211
|
