Cybermercado
Llibros
M�sica
Artesan�a
Alimentaci�n
Videos
Instrumentos
Ropa
Complementos
Carteles
Busca rápida

Y�!

Autor: Felpeyu

Tres de la bona acoyida del anterior CD "Tierra" y trés xires internacionales de gran ésitu, lléganos por fin Yá!, tercer discu d�estudiu y la consolidación como referente imprescindible del folc asturianu.

Descripci�n llarga: Depués d�una llarga espera dende�l so anterior trabayu del añu 1997, Tierra, y con tres xires internacionales a les espaldes--con descomanada aceptación nes mesmes antípodes australes--los xixoneses Felpeyu asoleyen el que ye yá�l so tercer trabayu d�estudiu, col títulu de Yá!, confirmándose dafecho como referencia imprescindible del folk astur y mesmo acullá de les nueses fronteres.

La banda, que yá hai tiempu se convertiera nuna de les bandes más importantes y influyentes del folk asturianu, grabaron Yá! nos estudios "Sinergia Digital" de Madrid, cola grabación, mezcla y masterización al cargu del técnicu de soníu del grupu, Salva López. Una grabación que�l grupu preparó muncho tiempu, polo que consideren que ye un discu más maduru no que cinca a la calidá téunica y les igües anque caltienen dafechu el so inconfundible estilu. Pa ello, la producción del discu, quixieron más llevala ente los propios miembros la banda y prescindir de collaboraciones d�instrumentistes de fuera del grupu.

La instrumentación sigue na llinia del discu anterior, nun siendo pola mayor presencia de la flauta travesera, que toca�l nuevu miembru del grupu, Diego Pangua, integráu yá dafechu nos llabores de gaiteru y flauteru. Los cantares básanse principalmente n�igües de pieces tradicionales anque tamién con delles compuestes (basaes, eso sí, en patrones tradicionales, como cuiden de recalcar los componentes). En total son doce temes, cinco cantaos. Les lletres de los cantares inclúin dos testos del conocíu escritor y collaborador habitual de la banda, Boni Perez, siendo otres dos de les lletres de los felpeyos Ígor Medio y Ruma Barbero, amás de les propiamente tradicionales.

Nesti nuevu trabayu d�escepcional calidá interpretativu y sonoru, tán incluíos los sones preferíos de la banda (muñeres, saltones, xirandiyes, etc.), tocaos al estilu inconfundible de Felpeyu. Queda claro que los xixoneses siguen fieles al so soníu, col que tanta aceptación foron a collechar hasta agora, pero tampoco pue dexar de notase la esperiencia que van dando los años y la escelencia técnica algamada, amás d�un impecable procesu de grabación.

Pa más detalles del discu (lletres, músicos, información de cada cantar...), calque equí.

Cantares del discu:

1 L.LAMO 6:00 (Saltón Del Medio · Alborada D�A Allunquía · Marcha De L.lamo)
2 LOS FAYEOS DE MAYO 4:04 (Dancia De Cenera · La Xeringosa)
3 MUÑERA�L CENTRO 4:21 (Muñera�l Centro · Marcha�l Campu Vieyu)
4 NUN QUIERO COYER LA FLOR 4:05
5 PORCÍA 5:39 (Marcha D�Ancadeira · Xirandiyes De Fresno · Alborada De Porcía)
6 LA PONGUETA 4:42 (Cantar De Següencu · Xota Pixuata)
7 PASUCÁIS 4:23 (Pasucáis De Veriña · Desfile De Veriña ·Pasucáis De La Ronchina)
8 FALTOSA 2:57
9 CORRIDOS 4:30 (Charrada De Bercimuelle · Corrido De Encina)
10 D�EQUÍ A SOMIÓ 2:32 (D�equí A Somió · Dancia De Grandas)
11 POLKA L.LUNGA 4:42 (Polka D�Antón De Fonduveigas · Xiringüelu · Saltón De Samartín)
12 XOTA DE LLENÍN 3:30

Preciu: 15,03 euros (2.501 pta)
Amuesa d'audio    (174,3 Kb.)
Referencia del proveedor: TDCD001
Códigu de productu: 2220

 Unidá/es al carru
Boton Retroceso
Principal | Buscar | Carru | Mercar | Veceros | Suxerencies