Asturia Activa Menu  

Menu
Productos

 Presentación

 Alcuerdu

 Inscripción

 Como Enllazar

 Volver a Portada

 


Productos

 Llibros

 Música

 Camisetes

 Alimentación

 Video

 Instrumentos

 


BUSINESS 2 BUSINESS
Si quier mercar productos al por mayor, consúltenos preciu. Podemos ofrece-y precios interesantes pa compres B2B. Escríbanos.

PRODUCTOS ESPECIALES
Hai dellos productos como gaites (y otros instrumentos) o traxes asturianos que requieren detalles como talla, midida y que tienen unos plazos d'entrega y precios que dependen del productu. Consúltenos qué quier

DEVOLUCIONES
Si quier devolver un productu o cancelar una compra escríbanos colos detalles.

RECLAMACIONES
Si el so pidíu nun llega mándenos un e-mail col númberu y la fecha de compra.
Asturshop.com



Alcuerdu de Participación nel Programa d'Asociaos d'Asturshop.com


Aclaraciones Previes.

Esti documentu contién los téminos y les condiciones de la participación de cualesquier persona o entidá nel Programa d'Asociaos d'Asturshop.com. A lo llargo d'esti documentu, falaráse del Programa d'Asociados d'Asturshop.com tamién como cenciellamente "Programa". Asina mesmo, Asturshop.com (allugao en ) apaecerá como "Asturshop", y la persona o entidá que pide que s'incluya'l so sitiu d'Internet nel Programa d'Asociaos d'Asturshop, conoceráse tamién como "Asociáu" o "Asociada".

Suscribir esti documentu quier dicir que s'acepten dafechu tolos téminos y les condiciones que s'incluyen nel Alcuerdu de Participación nel Programa d'Asociaos d'Asturshop.com, y tamién los sistemes de control y el software d'Asturshop.


1. Funcionamientu del Programa.

El Programa d'Asociaos d'Asturshop.com tien l'obxetu d'establecer una rellación ente Asturshop y l'Asociáu, col envís d'atraer, al traviés d'un accesu nel site del Asociáu, clientes para Asturshop, a cambiu d'una comisión sobre les ventes feches a visitantes qu'entraren de la web asociada.

Cada vez qu'un/a visitante procedente del site del Asociáu faga una compra n'Asturshop, xenerará un ingresu pal Asociáu, en conceptu de comisión del 5% del preciu del productu o productos que mercara'l visitante. De la comisión del 5% pal Asociáu queden fora cualesquier otru conceptu sacantes l'importe del artículu vendíu, como por exemplu los gastos d'unviu.


2. Inscribise nel Programa.

El procesu d'inscribise nel Programa d'Asociados d'Asturshop escomienza cola suscripción d'esti Alcuerdu, y esto quier dicir que s'acepten los términos y les condiciones del documentu. La suscripción del Alcuerdu per parte del Asociáu faráse efectiva nel momentu d'unviar a Asturshop, rellenáu, el formulariu de solicitú d'inscripción nel Progama.


3. Admisión al Programa.

Asturshop comprométese a xulgar de la manera más obxetiva toles solicitúes pa determinar si los candidatos a Asociaos son afechiscos o non, reservándose'l derechu a escluir les solicitúes que nun tengan, según el criteriu d'Asturshop, una calidá adecuada no tocantes a la presencia o los conteníos de les páxines, que tengan ente los sos conteníos materiales que podian considerase capaz a mancar la sensibilidá de los nuesos clientes o por cualesquier otru criteriu qu'Asturshop considere oportún.

De toles maneres, les solicitúes que sían refugaes en primer instancia podrán volver pidir ser almitíes al Programa, nel futuru. Asina mesmo, Asturshop resérvase'l derechu a revisar si les webs asociaes siguen siendo afechesques pa ser Asociaes d'Asturshop, y mesmo podrá determinase la esclusión de cualesquier Asociáu del Programa por nun caltener l'amañosura pal programa.


4. Sistema de Control.

Asturshop apurrirá un códigu d'identificación que fará posible controlar les visites provenientes de la web asociada. La web asociada habrá insertar esti códigu d'identificación nos sos enllaces a Asturshop, siguiendo les indicaciones técniques que-y va dar el Departamentu Técnicu d'Asturshop.


5. Responsabilidá d'Asturshop.

  • Xestión de les órdenes de compra, cobru, unviu de pidíos y atención a cliente.
  • Resolución de reclamaciones.
  • Apurrir al Asociáu un informe de ventes procedentes de la so web (si les hubiere).
  • Informar al Asociáu de les novedaes que-y podian resultar d'interés.


6. Responsabilidá del Asociáu.

L'Asociáu tendrá la responsabilidad del desenvolvimientu, funcionamientu y caltenimientu del so sitiu web.

Asina mesmo, la presentación y los conteníos de la web, con especial atención a:

  • La inserción de los links oportunos col númberu d'identificación del Asociáu, pa que'l siguimientu de los resultaos de la so web podia facese amañosamente.
  • La precisión y amañosura de los conteníos de la web del Asociáu, con especial atención a los materiales arreyaos a los productos d'Asturshop.
  • L'usu correctu de la imaxen y les informaciones d'Asturshop, y nun se puede emplegar pa fines o usos que s'aparten de los qu'incluye esti Alcuerdu.
  • La legalidá y actualidá de los conteníos y los derechos d'autor de tolos materiales, códigos, programes, licencies, imáxenes o cualesquier otru material que podia tener derechos d'autor.


7. Pagos y comisiones.

La comisión del Asociáu, poles ventes que se faigan a visitantes provenientes de la so páxina web ye del 5% del preciu del productu o productos. La comisión del 5% aplicaráse namás al importe del productu vendíu (o'l total de los productos vendíos), quedando excluíos d'esta cantidá los gastos d'unviu.

Los pagos faránse mensualmente per aciu de talón nominativu a les señes que l'Asociáu indique nel formulariu d'inscripción, teniendo que nos uenviar una factura (col IVA) pol importe total de les comisiones que previamente-y notificarémos per corréu electrónicu, a les señes d'Asturia Activa (Asturshop)

Asturia Activa
Avda. de la Constitución, 25
33208 Xixón
Asturies
España

CIF:


Asturshop mandará los talones en cuantes recibia la correspondiente factura del Asociáu, a les señes especificaes nel so formulariu d'inscripción nel Programa. En casu de que l'importe total de les comisiones del Asociáu nun algame la cantidá de 5.000 pesetes (30 Euros), acumularáse hasta'l siguiente mes de contabilización o los sucesivos.


8. Estratexa y funcionamientu.

Los clientes qu'entren dende webs asociaes serán consideraos, a tolos efectos clientes d'Asturshop no tocantes a servicios, atención y condiciones. Asturshop reserva'l derechu de variar la so estratexa comercial, mesmo de política de precios, condiciones d'unviu y funcionamientu xeneral. De toles maneres, Asturshop comprométese a tentar de caltener la mayor estabilidá posible.


9. Vixencia del Alcuerdu.

Nel momentu de recibir la solicitú, cola correspondiente adhesión a esti Alcuerdu, Asturshop procederá a evaluar el perfil del aspirante, a fin de determinar la so idoneidá pa participar nel Programa d'Asociaos. Cuando-y llegue al Asociáu la notificación d'Asturshop de que ta almitíu al Programa, daráse por entamada ente les dos partes la rellación descrita nel Alcuerdu.

Cualesquiera de les partes (Asturshop o l'Asociáu) van poder poner fin a la participación del Asociáu nel Programa con namás comunicalo a la otra parte per corréu electrónicu, ensin falta d'esponer los motivos de la decisión. En xeneral, a la hora de determinar la necesidá de poner fin a la participación d'un Asociáu nel Programa, Asturshop rigiráse pelos mesmos criterios que pa evaluar les admisiones.

Desque se-y notifique a un Asociáu que fo cesada la so participación nel Programa, habrá quitar de la so web, de manera inmediata, cualesquier accesu o enllaz a Asturshop, lo mesmo que cualesquier otru elementu que perteneza o faga referencia a Asturshop (como links, banners, logotipos, anagrames o material gráfico de toa triba).

Asturshop pagará al Asociado les comisiones que se-y debian, sacantes les que vengan d'acciones fraudulentes (pidíos impagos, devueltos...), si les hubiere. Por esti motivu, Asturshop reserva'l derechu a retener el pagu de les comisiones un tiempu razonable, a fin de poder establecer de manera segura la existencia de posibles fraudes.


10. Rellación ente les partes.

La rellación ente Asturshop y los participantes nel Programa d'Asociaos refierse namás a los aspectos recoyíos nesti Alcuerdu, manteniéndose les dos partes como independientes, ensin que l'aceptación del Alcuerdu implique nenguna clas d'unión d'empreses, asociación, franquicia, representación de ventes o rellación d'emplegu ente ambos.

Asturshop nun se fará responsable de nengún perxuiciu que podia derivar del presente Alcuerdu, nin aceptará reclamaciones arreyaes al funcionamientu de nuesu sitiu web, interrupciones, caíes del serviciu o errores de cualesquier mena.

Asina mesmo, Asturshop reserva'l derechu de modificar cualesquier puntu d'esti Alcuerdu a la so discreción, anque cualesquier modificación será notificada per corréu electrónicu y/o al traviés del so sitiu web. Si l'Asociáu nun aceptare dalguna de les modificaciones, taría na obligación de cancelar la so cuenta d'asociáu con Asturshop, renunciando a cualesquier reclamación legal.

Suscribir esti Alcuerdu quier dicir que s'acepten dafechu: el sistema de control de visites, identificación de procedencia, ventes y comisiones d'Asturshop. Poro, los númberos y cantidaes de visites, comisiones y pagos presentaos por Asturshop tomaránse por válidos, ensin qu'habia posibilidá de reclamación legal.

Asturshop da por sentada la bona fe de les dos partes y l'interés que pa dambes partes ofrez la rellación descrita nesti Alcuerdu, polo que quier facer que la rellación colos sos Asociaos s'abase na confianza, la comprensión y la collaboración. Asina, Asturshop comprométese a atender toles reclamaciones que podian surdir, pa buscar un alcuerdu en casu de conflictu, enantes d'acoyese al conteníu del párrafu anterior.

Volver

Busqueda rápida




in englishin English
españolen castellano


Conversor de moneda


ADMITIMOS:

{short description of image}

{short description of image}

{short description of image}

{short description of image}

{short description of image}

{short description of image}

www.ulos.com www.asturtravel.com Asturianía Asturies Deportiva www.asturshop.com www.asturies.com www.asturiactiva.com